十年人【張永霖、羅開揚、黎汝遠、...

[清涼茶]

十年一覺 : 十年人【張永霖、羅開揚、黎汝遠、鄧鉅明、羅焯、楊釗、伍錦康】
李 澤 楷 都 估 不 到
回 歸 ， 張 永 霖 有 了 「 青 樓 名 妓 」 這 稱 號 。
「 有 邊 個 覺 得 今 日 的 電 訊 盈 科 ， 比 以 前 的 香 港 電 訊 好 ， 可 以 隨 時 打 電 話 俾 我 ！ 」
張 永 霖 在 電 盈 打 工 ， 最 不 稱 心 ， 但 偏 偏 又 最 常 被 人 提 起 。

回 歸 歸 後 ， 英 國 人 會 將 香 港 電 訊 賣 給 新 加 坡 電 訊 。 「 簽 臨 時 合 約 前 三 個 鐘 頭 ， 我 （ 張 永 霖 當 時 是 香 港 電 訊 行 政 總 裁 ） 先 被 知 會 ！ 」
他 反 對 電 訊 資 產 由 外 資 擁 有 ， 自 己 在 有 限 的 選 擇 下 ， 一 手 促 成 李 澤 楷 入 主 。
「 我 當 時 選 擇 唔 多 ， 但 我 是 認 真 考 慮 過 。 」
之 後 ， 他 出 任 電 訊 盈 科 副 主 席 至 ○ 四 年 初 。
李 澤 楷 的 經 營 方 式 ， 他 不 願 多 提 ， 反 而 最 痛 心 這 十 年 間 香 港 「 表 面 上 是 港 人 治 港 ， 但 實 在 高 度 自 治 被 嚴 重 削 弱 了 。 」
今 日 ， 他 是 香 港 大 學 專 業 進 修 學 院 校 董 會 主 席 ， 在 港 大 專 業 進 修 學 院 位 於 數 碼 港 的 寫 字 樓 辦 公 。
當年 李 澤 楷 鯨 吞 香 港 電 訊 並 拋 出 數 碼 港 大 計 時 ， 曾 提 出 在 數 碼 港 興 建 一 流 的 資 訊 科 技學 院 ， 今 天 這 個 名 為 「 數 碼 港 學 院 」 成 立 了 ， 由 張 永 霖 出 任 校 董 會 主 席 的 港 大 專 業進 修 學 院 管 理 。 兜 兜 轉 轉 ， 李 澤 楷 又 怎 預 料 得 到 ？ （ 撰 文 ： 葉 詠 琪 ）

沙 士 讓 我 大 翻 身
羅 開 揚 掌 舵 的 大 快 活 靠 沙 士 翻 生 。
九 七 年 大 快 活 在 大 陸 發 展 兵 敗 而 回 ， 公 司 元 氣 大 傷 ， 連 蝕 千 萬 。
「 金 融 風 暴 係 難 過 ， 但 係 沙 士 時 連 出 街 人 都 無 ， 營 業 額 跌 六 成 。 」
他 推 出 已 籌 劃 兩 年 的 改 革 計 劃 ， 令 一 向 在 快 餐 業 包 尾 的 大 快 活 ， 一 洗 頹 風 ， 身 邊 人 反 對 。
「 我 相 信 絕 處 逢 生 。 」
九十 年 代 ， 羅 開 揚 認 為 中 國 市 場 很 大 ， 沒 有 全 盤 發 展 計 劃 便 和 行 家 鬥 快 上 去 「 插 旗 」。 九 八 敗 北 後 ， 除 ○ ○ 年 外 ， 業 績 年 年 見 紅 。 ○ 二 年 ， 更 一 鋪 過 蝕 七 千 多 萬 。
「 沙 士 時 ， 咩 都 減 價 ， 廣 告 費 減 、 人 工 鋪 租 減 ， 我 改 革 成 本 慳 唔 少 。 大 快 活 的 同 事 很 忙 碌 ， 即 使 減 人 工 ， 亦 做 得 好 開 心 ， 因 為 有 工 開 。 一 個 星 期 內 ， 大 家 夾 手 夾 腳 ， 通 宵 換 晒 全 港 六 十 間 分 店 的 招 牌 。 」
○ 四 年 ， 公 司 首 賺 到 三 千 多 萬 。 他 父 親 ， 即 大 快 活 創 辦 人 羅 芳 祥 臨 終 前 ， 看 到 了 一 張 沒 有 紅 筆 的 成 績 表 。
「 沙 士 時 ， 俾 同 事 認 股 權 。 呢 三 年 ， 股 價 已 經 升 十 倍 。 佢 話 唔 捨 得 賣 喎 。
「 大 快 活 就 是 香 港 人 的 縮 影 ， 這 十 年 來 經 歷 了 不 少 困 難 ， 低 潮 。 然 後 ， 我 一 齊 向 歷 史 學 習 ， 一 齊 變 得 更 強 。 」 （ 撰 文 ： 梁 佩 均 ）

跌 過 痛 過 自 然 醒
黎 汝 遠 ， 地 產 界 資 深 炒 家 。
回 歸 前 ， 他 退 出 自 己 一 手 創 辦 的 公 司 ， 套 現 二 千 多 萬 入 市 。 金 融 風 暴 ， 他 蝕 了 一 億 六 ， 要 放 售 加 拿 大 三 、 四 十 個 物 業 及 靠 親 友 幫 忙 渡 難 關 。
「 三 千 呎 屋 搬 到 八 百 呎 ， 仔 女 係 咁 問 ： 點 解 愈 住 愈 細 ？ 以 前 成 班 炒 家 成 日 飲 茶 吹 水 ， 走 一 個 ， 走 又 一 個 ， 最 後 坐 唔 夠 一 圍 。 」
○ 四 年 ， 在 親 友 支 持 下 大 舉 掃 入 貝 沙 灣 、 嘉 亨 灣 等 。 「 以 前 投 資 ， 我 會 諗 今 次 賺 幾 多 。 而 家 ？ 我 會 諗 ， 輸 點 先 ？ 」 （ 撰 文 ： 區 嘉 儀 ）

全 靠 自 由 行 食 胡
太 子 珠 寶 鐘 錶 行 老 闆 鄧 鉅 明 ， 贊 助 天 氣 報 告 節 目 《 瞬 間 看 地 球 》 ， 莫 名 奇 妙 的 紅 起 來 。
「 我 金 融 風 暴 都 無 蝕 錢 ， 沙 士 ， 都 只 係 有 一 個 月 蝕 二 百 萬 。 十 年 間 生 意 翻 了 三 倍 ， 分 店 數 目 亦 由 四 變 八 。
「 以 前 七 成 港 客 、 三 成 內 地 ， ○ 二 年 後 剛 好 倒 轉 。 而 家 係 客 求 貨 ， 貨 未 放 入 飾 櫃 已 被 人 買 走 ， 五 、 六 百 萬 元 錶 ， 一 樣 有 人 買 。 」
鄧鉅 明 只 有 中 三 學 歷 ， 當 過 五 金 工 人 、 藥 房 售 貨 員 等 ， 八 四 年 創 立 太 子 珠 寶 錶 行 。 ○ 三 年 購 入 劉 鑾 鴻 的 山 頂 種 植 道 大 屋 ， 家 人 嫌 出 入 要 經 過 迂 迴 的 道 路 暈 車 浪 ， 才 搬 到九 龍 站 豪 宅 君 臨 天 下 。
「 以 前 過 關 填 國 籍 寫 ： 英 國 ， 而 家 ？ 大 家 都 填 ： 中 國 ！ 」 （ 撰 文 ： 區 嘉 儀 ）

風 光 不 再 大 富 豪
六 十 六 歲 「 大 富 豪 」 創 辦 人 羅 焯 ， 見 證 夜 總 會 由 盛 至 衰 。
「 以 前 人 出 面 排 晒 隊 ， 認 為 盛 世 呢 度 行 ， 先 可 以 突 顯 自 己 身 份 ， 上 親 都 話 要 開 貴 酒 。 」
在廣 州 出 生 的 羅 焯 ， 廿 一 歲 來 港 做 地 盤 工 ， 儲 到 錢 開 始 搞 美 容 按 摩 院 ， 認 識 了 前 妻 陳健 心 。 七 六 年 兩 夫 婦 見 潮 流 興 跳 茶 舞 ， 轉 型 開 他 們 的 第 一 間 夜 總 會 ─ ─ 輝 煌 夜 總 會。 八 年 後 ， 大 富 豪 開 業 ， 佔 地 七 萬 呎 ， 以 裝 修 金 碧 輝 煌 掛 帥 ， 內 設 勞 斯 萊 斯 老 爺 車接 載 客 人 ， 全 盛 時 期 ， 更 以 百 萬 過 檔 費 拉 攏 媽 媽 生 加 盟 。
金 融 風 暴 、 沙 士 ， 大 富 豪 的 生 意 已 大 不 如 前 。 「 以 前 多 二 世 祖 ， 但 而 家 人 使 錢 係 自 己 辛 苦 賺 ， 唔 會 亂 使 。 」 大 場 坐 滿 客 的 風 光 場 面 已 不 復 見 ， 現 在 多 了 前 來 感 受 排 場 的 遊 客 ， 更 大 部 分 喜 歡 匿 入 貴 賓 房 ， 自 成 一 國 唱 卡 拉 OK 。
會 計 師 在 ○ 四 年 估 計 他 們 的 身 家 ， 高 達 十 三 億 元 。 ○ 二 年 和 陳 健 心 離 婚 ， 他 的 身 家 亦 被 分 了 一 大 截 。 會 否 再 婚 ？ 「 你 幫 我 寫 個 徵 婚 廣 告 ！ 」 （ 撰 文 ： 蔡 少 玲 、 黃 家 慧 ）

我 就 是 喜 歡 親 中
旭 日 企 業 的 主 席 楊 釗 ， 親 中 港 商 。
旭 日 在 內 地 經 營 零 售 業 務 ， 集 團 旗 下 真 維 斯 在 內 地 有 一 千 三 百 多 間 零 售 店 。
有批 評 指 本 港 在 經 濟 上 太 依 賴 中 方 派 糖 ， 楊 釗 笑 笑 說 ： 「 年 輕 人 遇 到 困 難 時 ， 依 賴 家長 好 正 常 的 ， 總 之 最 緊 要 唔 好 做 『 二 世 祖 』 ， 日 後 要 發 奮 圖 強 就 可 以 了 。
「 十 年 前 香 港 人 唔 認 自 己 是 中 國 人 ， 今 日 ， 不 是 進 步 了 不 少 嗎 ？ 」 （ 撰 文 ： 葉 詠 琪 ）

八 珍 吃 香 圓 父 夢
沙 士 期 間 百 業 廢 ， 卻 紅 了 伍 錦 康 的 老 品 牌 — — 八 珍 甜 醋 。
「 突 然 有 好 多 大 陸 的 廠 商 來 買 醋 ， 一 買 就 一 桶 桶 的 ， 一 個 星 期 已 經 將 貨 倉 內 的 白 醋 賣 清 光 。 」
八 珍 甜 醋 由 伍 錦 康 已 故 的 父 親 於 一 九 三 二 年 創 立 ， 他 原 來 在 中 華 電 力 當 機 電 工 程 師 ， 九 七 前 的 移 民 潮 促 成 他 掌 管 家 族 生 意 。
「 一 直 打 理 家 族 生 意 的 弟 弟 要 移 民 。 」
他 在 英 國 也 買 了 屋 ， 打 算 回 歸 前 與 太 太 退 休 移 民 英 國 。
「 不 忍 心 結 束 父 親 的 心 血 。 」
他的 手 下 也 就 由 專 業 工 程 師 ， 變 成 店 鋪 售 貨 員 與 煲 醋 工 人 。 沙 士 令 人 記 起 八 珍 ， 他 乘勢 生 產 了 廿 多 款 醬 料 及 健 康 食 品 系 列 ， 只 在 高 檔 超 市 Taste 、 Great 賣 。
「 從 前 負 責 大 亞 灣 工 程 ， 今 日 負 責 將 八 珍 的 品 牌 形 象 提 升 。 」 （ 撰 文 ： 顏 美 鳳 ）


攝 影 ： 歐 陽 江

攝 影 ： 于 港 文



攝 影 ： 林 志 謙
壹周刊 第903期