06-29-2019, 08:10 AM
豬肉傳銷騙局稱有解放軍背景
https://hk.finance.appledaily.com/financ...9/20716040
傳銷騙案不時發生，最新一單是「慈母計」銷售豬肉計劃，涉及非法集資騙案。《蘋果》收到讀者投訴，指有間名為「優農良品」的公司在尖沙嘴酒樓內舉行「洗腦大會」，「話傳銷豬肉，現場有好多師奶、公公婆婆都信晒，仲話要搞旅行團睇豬場，有對母子喺現場落力sell，講到搵好多錢。」
記者依讀者所示，向「母子檔」計劃成員查詢，幾經交涉下，終於獲邀到辦公室參觀，旋即被「慈母」Jacqueline追問年齡及職業，記者佯稱是文員。後來慈母帶記者到茶樓，席上有一名操內地口音女子Barbar及年輕男Alex等候，車輪式向記者「洗腦」。據了解，Barbar為「優農良品」的高層，成功邀請Alex及Jacqueline加入，並以「母子檔」形式找客人加盟。
「洗腦式」游說記者加盟
及後記者被帶到辦公室，Barbar透露，「優農良品」開設是因為跟隨國家主席習近平的國策，並指「知道省市啲官員食咗國家啲錢，所以習近平就話唔會再畀項目地方，於是畀軍官，話晒都係自己人。」
她指「優農良品」創辦人程榮河正正是軍官，更表示「97年香港回歸，佢都係喺灣仔，負責香港解放軍！」而公司就在廣州投資豬場，更表示可到現場參觀，並試食豬場生產的「旺旺豬」。記者表示擔心非洲豬瘟疫情，她立即指：「唔會！完全冇嘅！個養殖場用中國科學院嘅飼料，連水都係專利」，更指豬隻由駐港部隊運到香港，「因為佢唔食香港嘅嘢，我哋啲貨都係咁運過嚟。」
之後Alex再接力宣傳，向記者解釋傳銷計劃，「我用10萬嚟計，投資完就有同等價值嘅產品、豬肉呀、雞呀，有排食，唔會限你幾時拎。每個星期都會派錢，派1,731蚊，乘番104期，總共就有18萬。」他續指，「想搵多啲，可以推薦人，5%之外再加6%回佣，即係10萬嘅11%。推薦兩個人投資10萬就可以升職，再推薦第3個，回佣就可以變成16%。」記者最終「被洗腦」逾一小時始能離開。
《蘋果》為試探「優農良品」傳銷局底蘊，應邀出席「旺旺豬」試食大會，發現「旺旺豬片」肥肉偏多，完全不像介紹所指「又瘦又長」，味道與市面豬肉沒有太大分別。Jacqueline得悉自稱文員的記者薪金不多，於是向記者母親「埋手」，力求說服借出10萬元加入最高級計劃。
創辦人名單並無「軍官」
她解釋：「你約佢出嚟，等我慢慢同佢講，等佢明白你個仔做咩投資，唔係呃人。」對於是否成為她的「下線」，她拒絕承認為層壓式傳銷、「上下線」的關係，但指「你係我介紹，你入到嚟梗係跟我。」記者坦言計劃「有啲假」，她立即很大反應地指：「嘩！畀你睇埋豬場，仲唔夠好？習近平、中央政府嘅嘢，我都係睇中佢軍方背景先同佢合作，中國夢邊有得假！」
記者翻查「優農良品」註冊資料，發現公司於今年3月註冊，創辦人名單中並沒有「軍官」程榮河，反而出現了關錦榮及程瀚鋒的名字，程瀚鋒名下兩間公司均已解散。而關錦榮為多間公司董事，包括澳文利嘉貿易、億林科技及志聯國際商務，亦包括兩間已解散公司。關錦榮的公司報住秀茂坪下邨秀好樓及旺角新填地街新利大廈，程瀚鋒報住地址則為一金融公司，所有單位皆不是二人持有。
記者到「優農良品」兩位創辦人報住地址探訪不果，決定參加於尖沙嘴酒樓舉行的大型「洗腦大會」，全場已被「優農良品」包起，筵開60席，場內更有專櫃烹調「旺旺豬」。酒樓帶位員表示，「優農良品」已舉辦多次大會，每次幾乎全場爆滿。
《蘋果》向「優農良品」員工查詢老闆之一關錦榮是否在場。員工得悉記者身份後支吾以對，立即帶記者到大堂角落處，以防其他人看到。但記者從遠處發現一名坐上VIP席的大漢，與早前「慈母」所示關錦榮樣子吻合，但得悉記者出現後立即離開。
「慈母」得知記者真正身份後大聲指罵，最後有3名聲稱是保安的魁梧大漢「圍堵」記者，其中一名大漢以不純正廣東話指：「我哋有邀請先至嚟到。」並指關錦榮已經離開，不會接受採訪。
大律師：低層次詐騙 涉多宗罪行
https://hk.finance.appledaily.com/financ...9/20716042
《蘋果》曾將「優農良品」推銷手法向大律師陸偉雄求證，他看過講座影片後，直言是「低層次的詐騙手法」，並指事件涉及多宗罪行。
陸偉雄表示，《禁止層壓式計劃條例》主要針對任何人投資，無論產品及服務，都要有一個對等的回報。「講座從來無清楚講到底投資啲錢，係放喺服務或者係物品身上。」指即使是有肉類產品提取，以投資額數以萬元計，根本不是「對等」，「如果話係興建豬場仲慘，現時非洲豬瘟咁流行，如果疫情持續，要殺晒啲豬，投資咁高風險，到底有冇解釋過？」
除了涉干犯層壓式罪行外，陸偉雄亦指，每個投資項目都要得到證監會批准，方可在市面上公開集資，他推斷該計劃很大機會不能獲批，有非法集資之嫌。他續指，整個項目都在中國發生，「仲慘！如果日後公司清盤，或者有財政有問題，點先可以拎番啲錢，冇人知！」屆時可能涉違反欺詐罪。
「呢個鴻圖大計差唔多每個星期都有錢收，但只不過係美麗嘅謊言！」陸偉雄指推廣的內容含糊不清，「即使頭兩個月收到錢，都唔代表以後收到錢」。而公司成員曾向記者指「公司由中國軍方開，好放心」，陸偉雄反指「唔見得中國鼓勵軍人去從事民營業務，我又睇唔到軍人養豬，習近平會特別高興。」
學者：養豬指南一派胡言
陸偉雄坦言整個計劃，「太多漏洞，我覺得（欺騙）證據好強。」最後他稱：「用萬般藉口，用一啲好低層次嘅欺騙手法，我提議大家報警。」根據《禁止層壓式計劃條例》，一經循公訴定罪，可處罰款100萬元及監禁7年。
另外，《蘋果》就「27種中草藥養豬」、「弱鹼性豬」等向香港高等教育科技學院食品與健康科學學系副教授方麗影求證，她看過「優農良品」的指南後，直斥「一派胡言」：「根本冇可能work，簡直係亂嚟！廢噏！」
[ 本帖最後由 12AX7.ECC83 於 2019-6-29 01:13 編輯 ]
https://hk.finance.appledaily.com/financ...9/20716040
傳銷騙案不時發生，最新一單是「慈母計」銷售豬肉計劃，涉及非法集資騙案。《蘋果》收到讀者投訴，指有間名為「優農良品」的公司在尖沙嘴酒樓內舉行「洗腦大會」，「話傳銷豬肉，現場有好多師奶、公公婆婆都信晒，仲話要搞旅行團睇豬場，有對母子喺現場落力sell，講到搵好多錢。」
記者依讀者所示，向「母子檔」計劃成員查詢，幾經交涉下，終於獲邀到辦公室參觀，旋即被「慈母」Jacqueline追問年齡及職業，記者佯稱是文員。後來慈母帶記者到茶樓，席上有一名操內地口音女子Barbar及年輕男Alex等候，車輪式向記者「洗腦」。據了解，Barbar為「優農良品」的高層，成功邀請Alex及Jacqueline加入，並以「母子檔」形式找客人加盟。
「洗腦式」游說記者加盟
及後記者被帶到辦公室，Barbar透露，「優農良品」開設是因為跟隨國家主席習近平的國策，並指「知道省市啲官員食咗國家啲錢，所以習近平就話唔會再畀項目地方，於是畀軍官，話晒都係自己人。」
她指「優農良品」創辦人程榮河正正是軍官，更表示「97年香港回歸，佢都係喺灣仔，負責香港解放軍！」而公司就在廣州投資豬場，更表示可到現場參觀，並試食豬場生產的「旺旺豬」。記者表示擔心非洲豬瘟疫情，她立即指：「唔會！完全冇嘅！個養殖場用中國科學院嘅飼料，連水都係專利」，更指豬隻由駐港部隊運到香港，「因為佢唔食香港嘅嘢，我哋啲貨都係咁運過嚟。」
之後Alex再接力宣傳，向記者解釋傳銷計劃，「我用10萬嚟計，投資完就有同等價值嘅產品、豬肉呀、雞呀，有排食，唔會限你幾時拎。每個星期都會派錢，派1,731蚊，乘番104期，總共就有18萬。」他續指，「想搵多啲，可以推薦人，5%之外再加6%回佣，即係10萬嘅11%。推薦兩個人投資10萬就可以升職，再推薦第3個，回佣就可以變成16%。」記者最終「被洗腦」逾一小時始能離開。
《蘋果》為試探「優農良品」傳銷局底蘊，應邀出席「旺旺豬」試食大會，發現「旺旺豬片」肥肉偏多，完全不像介紹所指「又瘦又長」，味道與市面豬肉沒有太大分別。Jacqueline得悉自稱文員的記者薪金不多，於是向記者母親「埋手」，力求說服借出10萬元加入最高級計劃。
創辦人名單並無「軍官」
她解釋：「你約佢出嚟，等我慢慢同佢講，等佢明白你個仔做咩投資，唔係呃人。」對於是否成為她的「下線」，她拒絕承認為層壓式傳銷、「上下線」的關係，但指「你係我介紹，你入到嚟梗係跟我。」記者坦言計劃「有啲假」，她立即很大反應地指：「嘩！畀你睇埋豬場，仲唔夠好？習近平、中央政府嘅嘢，我都係睇中佢軍方背景先同佢合作，中國夢邊有得假！」
記者翻查「優農良品」註冊資料，發現公司於今年3月註冊，創辦人名單中並沒有「軍官」程榮河，反而出現了關錦榮及程瀚鋒的名字，程瀚鋒名下兩間公司均已解散。而關錦榮為多間公司董事，包括澳文利嘉貿易、億林科技及志聯國際商務，亦包括兩間已解散公司。關錦榮的公司報住秀茂坪下邨秀好樓及旺角新填地街新利大廈，程瀚鋒報住地址則為一金融公司，所有單位皆不是二人持有。
記者到「優農良品」兩位創辦人報住地址探訪不果，決定參加於尖沙嘴酒樓舉行的大型「洗腦大會」，全場已被「優農良品」包起，筵開60席，場內更有專櫃烹調「旺旺豬」。酒樓帶位員表示，「優農良品」已舉辦多次大會，每次幾乎全場爆滿。
《蘋果》向「優農良品」員工查詢老闆之一關錦榮是否在場。員工得悉記者身份後支吾以對，立即帶記者到大堂角落處，以防其他人看到。但記者從遠處發現一名坐上VIP席的大漢，與早前「慈母」所示關錦榮樣子吻合，但得悉記者出現後立即離開。
「慈母」得知記者真正身份後大聲指罵，最後有3名聲稱是保安的魁梧大漢「圍堵」記者，其中一名大漢以不純正廣東話指：「我哋有邀請先至嚟到。」並指關錦榮已經離開，不會接受採訪。
大律師：低層次詐騙 涉多宗罪行
https://hk.finance.appledaily.com/financ...9/20716042
《蘋果》曾將「優農良品」推銷手法向大律師陸偉雄求證，他看過講座影片後，直言是「低層次的詐騙手法」，並指事件涉及多宗罪行。
陸偉雄表示，《禁止層壓式計劃條例》主要針對任何人投資，無論產品及服務，都要有一個對等的回報。「講座從來無清楚講到底投資啲錢，係放喺服務或者係物品身上。」指即使是有肉類產品提取，以投資額數以萬元計，根本不是「對等」，「如果話係興建豬場仲慘，現時非洲豬瘟咁流行，如果疫情持續，要殺晒啲豬，投資咁高風險，到底有冇解釋過？」
除了涉干犯層壓式罪行外，陸偉雄亦指，每個投資項目都要得到證監會批准，方可在市面上公開集資，他推斷該計劃很大機會不能獲批，有非法集資之嫌。他續指，整個項目都在中國發生，「仲慘！如果日後公司清盤，或者有財政有問題，點先可以拎番啲錢，冇人知！」屆時可能涉違反欺詐罪。
「呢個鴻圖大計差唔多每個星期都有錢收，但只不過係美麗嘅謊言！」陸偉雄指推廣的內容含糊不清，「即使頭兩個月收到錢，都唔代表以後收到錢」。而公司成員曾向記者指「公司由中國軍方開，好放心」，陸偉雄反指「唔見得中國鼓勵軍人去從事民營業務，我又睇唔到軍人養豬，習近平會特別高興。」
學者：養豬指南一派胡言
陸偉雄坦言整個計劃，「太多漏洞，我覺得（欺騙）證據好強。」最後他稱：「用萬般藉口，用一啲好低層次嘅欺騙手法，我提議大家報警。」根據《禁止層壓式計劃條例》，一經循公訴定罪，可處罰款100萬元及監禁7年。
另外，《蘋果》就「27種中草藥養豬」、「弱鹼性豬」等向香港高等教育科技學院食品與健康科學學系副教授方麗影求證，她看過「優農良品」的指南後，直斥「一派胡言」：「根本冇可能work，簡直係亂嚟！廢噏！」
[ 本帖最後由 12AX7.ECC83 於 2019-6-29 01:13 編輯 ]