探 險 頻 道 布 吉

[next]

探 險 頻 道 　 布 吉


三 人 一 隻 艇 ， 每 二 人 便 有 一 個 導 遊 照 顧 ， 很 安 全 。 攀 牙 灣 的 石 灰 岩 被 侵 蝕 得 奇 形 怪 狀 ， 橡 皮 艇 在 岩 石 旁 划 過 ， 穿 過 鐘 乳 吊 柱 ， 真 感 覺 自 己 是 個 探 險 家 。



記 者 唔 算 朋 友 多 ， 但 今 次 前 往 泰 國 ， 去 程 及 回 程 的 航 班 上 ， 都 遇 上 幾 位 熟 人 。 
原 來 無 論 發 生 過 什 麼 風 波 ， 泰 國 始 終 是 香 港 人 的 度 假 勝 地 。 
「 集 體 回 憶 」 一 詞 已 過 氣 ， 現 在 流 行 「 製 造 難 忘 美 好 回 憶 」 。 
點 樣 先 算 難 忘 ？ 
在 布 吉 ， 我 們 跟 隨 Discovery Channel 介 紹 的 探 險 旅 程 ， 撐 獨 木 舟 去 荒 島 沙 灘 紮 營 ， 唔 危 險 唔 辛 苦 ， 反 而 有 點 浪 漫 。 
這 旅 程 ， 肯 定 夠 回 味 一 世 。


參 加 此 團 的 人 的 確 特 別 愛 玩 又 大 膽 ， 自 由 時 間 ， 5 個 女 仔 二 話 不 說 ， 齊 齊 由 船 的 上 層 跳 落 海 游 水 ， 好 high ！



通 常 只 有 一 個 小 洞 口 通 往 石 灰 岩 洞 中 ， 潮 漲 時 ， 洞 口 被 淹 沒 ， 只 有 在 潮 退 時 ， 才 可 壓 低 身 體 進 入 。



來 度 蜜 月 的 澳 洲 新 婚 夫 婦 一 起 做 水 燈 ， 溫 馨 又 浪 漫 。



許 個 願 放 水 燈 ， 放 完 要 撈 回 船 上 ， 毋 忘 環 保 。



晚 上 營 外 燃 起 營 火 ， 燈 火 微 弱 ， 剛 好 看 到 旁 邊 人 的 面 孔 ， 而 最 清 楚 的 ， 是 天 上 的 星 星 。



日 出 還 在 睡 ， 叫 醒 我 們 的 ， 竟 是 導 遊 Sonny 所 煮 早 餐 的 香 氣 。



海 上 探 秘 漂 浮 記
住 酒 店 ， 舒 服 ， 但 不 夠 刺 激 ！ 今 次 就 跟 隨 美 國 人 John Gray 的 行 程 來 個 海 上 探 秘 。 他 的 探 險 旅 程 ， 連 Discovery Channel 都 熱 捧 ， 最 近 又 到 菲 律 賓 進 行 拍 攝 工 作 ， 與 主 持 人 無 緣 見 面 ， 我 們 也 可 以 跟 他 的 專 業 團 隊 出 海 。 
同 船 有 來 自 澳 洲 、 德 國 和 比 利 時 等 地 的 團 友 ， 浩 浩 蕩 蕩 出 發 往 攀 牙 灣 （ Phang Nga Bay ） 和 Hong Islands 。 眼 前 景 色 由 平 凡 變 得 壯 觀 ， 海 上 的 石 灰 岩 峭 拔 聳 立 ， 像 越 南 下 龍 灣 的 海 上 桂 林 。 興 奮 的 活 動 來 了 ， 我 們 要 分 批 進 入 石 灰 岩 中 。 跳 落 橡 皮 艇 ， 愈 接 近 那 小 小 的 洞 口 ， 壓 迫 感 愈 大 。 身 處 漆 黑 的 隧 道 洞 內 ， 前 後 左 右 神 秘 莫 測 ， 都 幾 驚 ！ 模 特 兒 Chi Chi 就 想 起 《 地 心 探 險 記 》 。 終 於 到 隧 道 盡 頭 ， 回 復 光 明 。 石 灰 岩 經 過 數 千 萬 年 侵 蝕 ， 中 間 全 通 ， 被 山 壁 包 圍 ， 寧 靜 得 連 呼 吸 也 聽 到 ， 全 部 人 壓 低 聲 線 說 話 ， 怕 嚇 走 不 遠 處 的 馬 騮 仔 和 彈 塗 魚 。 穿 洞 穿 到 天 色 入 黑 ， 便 在 海 上 放 自 製 的 水 燈 許 願 ， 都 係   「 世 界 和 平 」 之 類 啦 。 
放 過 水 燈 ， 便 要 揮 別 團 友 ， 去 荒 島 沙 灘 紮 營 過 夜 。 團 友 們 眼 神 羨 慕 加 讚 賞 ， 我 們 終 於 洗 去 港 女 嬌 生 慣 養 、 唔 捱 得 、 只 識 shopping 的 形 象 ， 好 威 ！ 其 實 沙 灘 上 的 營 幕 ， 早 已 有 人 紮 好 ， 乾 淨 又 舒 服 。 當 晚 和 Chi Chi 在 沙 灘 蓆 上 數 星 星 、 喝 啤 酒 、 吃 薯 片 、 聽 iPod 播 《 囍 帖 街 》 。 以 為 荒 蕪 如 《 Cast Away 》 ， 突 然 Chi Chi 電 話 響 起 ， 原 來 手 機 接 收 都 有 三 格 喎 。 Chi Chi 在 電 話 跟 男 友 說 ： 「 好 似 《 浪 漫 滿 屋 》 同 阿 Rain 紮 營 ， 如 果 而 家 心 愛  人  身 邊 就 好 啦 ！ 」 嘩 ！ 好 痺 ！ 不 過 我 心 裡 也 是 同 一 個 想 法 。
舒 服 探 險
沖 涼 ︰ 船 上 有 清 水 洗 澡 ， 導 遊 亦 會 帶 備 大 桶 水 到 營 地 ， 足 夠 落 些 微 洗 頭 水 和 皂 液 沖 涼 。 
安 全 ︰ 每 兩 個 人 就 有 一 個 導 遊 跟 隨 ， 並 在 營 地 上 看 守 。 有 私 家 「 實 招 」 ， 非 常 放 心 。 
廁 所 ︰ 船 上 有 洗 手 間 ， 但 去 到 營 地 就 要 找 隱 蔽 地 方 就 地 解 決 。 
燈 光 ︰ 有 油 燈 和 大 光 燈 提 供 ， 導 遊 們 亦 會 劈 樹 燃 起 營 火 。 
三 餐 ︰ 導 遊 會 在 營 地 煮 早 餐 ， 有 煎 蛋 、 麵 包 和 茶 ， 而 午 晚 餐 則 於 船 上 吃 家 常 泰 菜 。
John Gray's Sea Canoe
價 錢 ︰ 2 日 1 夜 沙 灘 紮 營 旅 程 ， 第 1 日 穿 洞 探 險 及 紮 營 ， 第 2 日 撐 獨 木 舟 睇 靚 景 。 愈 多 人 參 加 愈 抵 ， 若 二 人 同 行 ， 每 人 約 $2,150 。 價 錢 包 導 遊 、 第 1 日 午 晚 餐 、 第 2 日 三 餐 、 紮 營 用 具 及 單 、 雙 人 獨 木 舟 等 。 
地 址 ︰ 124 Soi 1 Yaowarat Rd., Taladyai, Muang, Phuket
電 話 ︰ 66 76 254 505
網 址 ︰ http://www.johngray-seacanoe.com
推 開 客 廳 或 者 睡 房 的 落 地 玻 璃 ， 跳 出 去 就 是 私 人 泳 池 。 泳 池 外 是 海 景 ， 入 黑 前 ， 夕 陽 就 落 在 前 方 ， 還 有 什 麼 可 挑 剔 的 ？



晚 上 不 拉 窗 簾 ， 早 上 就 讓 陽 光 代 替 鬧 鐘 。 看 見 眼 前 美 景 ， 不 想 再 懶 床 。



室 外 有 個 大 浴 缸 ， 可 以 對  海 景 浸 泡 泡 浴 。



新 建 成 的 別 墅 ， 用 上 彩 色 玻 璃 和 星 星 圖 案 做 裝 飾 ， 帶 點 中 東 色 彩 。



270 度 海 景 環 抱 私 人 泳 池
紮 營 一 晚 夠 晒 數 ， 體 驗 完 原 始 刺 激 探 險 ， 就 要 梳 乎 享 受 啦 。 布 吉 新 resort 都 例 必 加 幾 幢 私 人 泳 池 別 墅 ， 住 pool villa 已 並 非 十 年 前 所 說 一 生 只 豪 一 次 的 事 。 不 過 ， 入 住 Sri Panwa ， 肯 定 一 生 難 忘 。 
Sri Panwa 位 於 布 吉 南 面 的 小 半 島 上 ， 三 面 環 海 。 度 假 村 內 全 部 都 是 面 海 的 私 人 泳 池 別 墅 ， 即 使 一 房 別 墅 ， 泳 池 也 足 夠 游 蝶 式 。 最 愛 睡 房 三 面 落 地 玻 璃 的 設 計 ， 早 上 起 床 拉 開 窗 簾 ， 便 看 到 270 度 湛 藍 海 景 。 睡 懶 了 ， 不 願 走 出 屋 ， 便 安 排 room service ， 在 泳 池 旁 的 小 涼 亭 吃 早 餐 。 吃 到 肚 腩 現 形 也 不 理 ， 穿 了 三 點 式 便 跳 下 泳 池 ， 反 正 Sri Panwa 密 度 低 ， 別 墅 privacy 高 ， 沒 人 會 看 見 我 的 豬 腩 肉 。 
房 靚 景 靚 ， 更 要 讚 員 工 笑 容 燦 爛 。 而 且 記 者 和 Chi Chi 兩 個 女 仔 上 水 落 水 ， 客 廳 睡 房 濕 晒 ， 狂 食 mini bar 免 費 飲 品 零 食 後 ， 滿 地 薯 片 垃 圾 袋 。 但 一 個 午 餐 或 出 外 幾 分 鐘 回 來 ， 每 次 房 間 都 整 潔 煥 然 一 新 。 每 幢 別 墅 還 有 私 人 管 家 24 小 時 候 命 ， 試 過 三 更 半 夜 叫 他 捉 走 房 內 的 蜜 蜂 ， 態 度 仍 然 親 切 ， 服 務 一 流 ！
大 堂 入 口 居 高 臨 下 的 海 景 ， 十 足 樓 盤 廣 告 ， 一 抵 步 已 覺 自 己 進 入 天 堂 。



吃 早 餐 的 話 ， 比 較 喜 歡 去 Baba ， 紅 色 的 大 咕  十 分 醒 神 。



Beach Club 內 有 個 Infinity pool ， 深 淺 水 池 加 天 空 大 海 ， 形 成 不 同 層 次 的 藍 。



被 水 包 圍 有 種 遠 離 人 群 的 浪 漫 ， 私 隱 度 高 ， 應 該 是 求 婚 的 好 地 方 。



烤 酸 辣 大 蝦 $150
蝦 肉 非 常 新 鮮 ， 彈 牙 非 常 ， 酸 辣 有 勁 ， 好 惹 味 ！



型 格 處 處 水 中 用 餐
Sri Panwa 被 設 計 雜 誌 《 Wallpaper 》 選 為 世 界 一 級 酒 店 ， 全 pool villa 是 賣 點 ， 而 獨 特 處 是 其 型 格 。 最 初 建 的 別 墅 ， 室 內 設 計 帶 點 日 本 淺 木 色 簡 約 味 ， 而 最 新 落 成 的 別 墅 ， 則 有 現 代 中 東 色 彩 。 截 然 不 同 的 風 格 ， 與 熱 帶 villa 外 形 卻 非 常 配 合 。 
不 過 說 到 最 矚 目 ， 一 定 是 Beach Club 餐 廳 。 走 進 餐 廳 ， 便 見 水 天 一 色 、 恍 如 凌 空 的 大 水 池 。 水 池 內 放 了 四 張  ， 在 水 中 央 用 餐 ， 浪 漫 又 有 型 ！
Sri Panwa
房 價 ︰ 每 晚 由 $6,800 起 
地 址 ︰ 88 Moo 8 Sakdidej Road, Tambon Vicit, Phuket
電 話 ︰ 66 76 371 000
網 址 ︰ http://www.sripanwa.com
珊 瑚 島 上 的 魚 完 全 唔 怕 人 ， 兩 個 來 自 斯 洛 文 尼 亞 的 女 仔 餵 完 香 蕉 又 餵 麵 包 ， 玩 到 唔 停 手 。



餵 完 麵 包 立 即 浮 潛 ， 眼 前 全 是 魚 仔 ， 全 部 眼 仔 碌 碌 好 似 想 同 你 say hi ！



在 船 上 睇  無 人 小 島 ， 就 請 船 夫 泊 岸 安 排 野 餐 ， 包 船 之 餘 ， 感 覺 似 包 起 幾 個 島 。



珊 瑚 島 上 有 降 落 傘 $135 、 獨 木 舟 和 潛 水 等 活 動 ， 娛 樂 齊 全 。



野 餐 菜 式 前 一 日 於 酒 店 「 柯 打 」 ， 西 瓜 沙 律 、 雞 翼 、 沙 嗲 和 巴 馬 火 腿 三 文 治 都 有 ， 好 豐 富 。



包 船 出 海 感 受 兩 極 沙 灘
游 完 泳 池 想 游 大 海 ， Sri Panwa 有 個 沙 灘 仔 可 以 暢 泳 。 不 過 ， 現 在 去 布 吉 ， 興 包 船 出 海 。 很 多 度 假 村 都 提 供 包 船 服 務 ， 包 括 Sri Panwa ， 當 然 要 體 驗  ！ 
Sri Panwa 有 快 艇 和 泰 國 傳 統 木 船 ， 貪 風 味 選 了 後 者 。 唔 揀 人 多 似 旺 角 的 蛋 島 、 PP 島 ， 但 又 想 熱 鬧 ， 隨 船 導 遊 推 介 我 們 去 珊 瑚 島 （ Coral Island ） 。 果 然 ， 玩 降 落 傘 、 餵 魚 、 浮 潛 ， 全 程 聽 不 到 一 句 廣 東 話 ， 這 才 是 度 假 。 
玩 到 午 餐 時 間 ， 突 然 想 玩 私 密 。 又 可 以 駛 去 無 人 小 島 ， 在 樹 蔭 下 野 餐 。 野 餐 完 ， 又 可 以 轉 個 小 島 晒 太 陽 ， 認 真 歎 ！
遊 船 河
價 錢 ︰ 前 往 附 近 Coral Island 、 Mai Thon Island 等 小 島 ， $800 可 包 船 全 日 ， 包 浮 潛 用 品 及 毛 巾 等 借 用 。




有 用 資 料
簽 證 ︰ 持 BNO 及 特 區 護 照 者 均 毋 須 簽 證 。 
機 票 ︰ 乘 坐 泰 國 航 空 來 回 香 港 及 布 吉 ， 價 錢 由 $1,480 起 ， 查 詢 ： 2179 7700 ， 網 址 ︰ http://www.thaiairway.com.hk 。 
參 考 網 站 ︰ http://www.amazingthailand.org.hk 
貨 幣 ︰ $1 兌 THB 4.4 （ 文 中 價 錢 為 港 幣 ） 
鳴 謝 ︰ 泰 國 政 府 旅 遊 局


撰 文 ： 鍾 琰 
攝 影 ： 李 劍 輝