Board logo

標題: [香港新聞] 賭 仔 迴 避   第 一 夫 人 過 江 大 陣 仗 [打印本頁]

作者: next    時間: 2009-1-22 11:52     標題: 賭 仔 迴 避   第 一 夫 人 過 江 大 陣 仗

八 卦 陣
賭 仔 迴 避   第 一 夫 人 過 江 大 陣 仗

centipede@nextmedia.com
濠 江 第 一 夫 人 劉 渭 楨 最 近 經 常 來 港 , 每 次 出 巡 都 要 賭 仔 借 歪 。 插 圖 : 詹 震 寰



香 港 選 完 , 今 年 輪 到 澳 門 選 「 話 事 人 」 , fit 十 年 鏵 哥 何 厚 鏵 , 正 式 宣 布 江 湖 引 退 。 唔 知 係 咪 就 無 得 做 「 濠 江 第 一 夫 人 」 關 係 , 有 人 爆 料 話 何 厚 鏵 太 太 劉 渭 楨 最 近 頻 頻 出 動 , 經 常 過 香 港 shopping , 不 過 佢 每 次 坐 船 都 好 大 陣 仗 , 搞 到 噴 射 船 員 工 精 神 緊 張 咁 話 。
齊百通
八卦陣

原來 何 夫 人 一 早 同 船 公 司 約 法 三 章 , 每 次 坐 船 都 要 最 後 一 個 上 船 、 同 最 早 一 個 落 船 ,仲 要 同 其 他 乘 客 保 持 距 離 。 何 太 唔 玩 親 民 , 據 講 係 因 為 有 次 佢 落 船 後 , 員 工 唔 生 性放 埋 其 他 客 落 船 , 賭 仔 一 支 箭 咁 衝 去 賭 場 搏 殺 , 又 有 眼 不 識 泰 山 咁 撞 到 澳 門 第 一 夫 人 , sorry 都 無 句 , 搞 到 何 夫 人 過 辣 雞 , 事 後 向 船 公 司 投 訴 到 暈 。 而 家 員 工 就 好 醒 , 睇 住 何 夫 人 上 晒 岸 後 , 先 俾 其 他 客 落 船 , 各 位 賭 仔 他 日 被 困 船 上 , 只 有 嘆 句 唔 好 彩 啦 !
要 同 賭 仔 保 持 距 離 , 何 夫 人 坐 船 另 一 個 貴 賓 待 遇 , 就 係 要 睇 勻 四 大 報 紙 , 包 括 《 經 濟 日 報 》 、 《 明 報 》 、 《 南 早 》同 《 澳 門 日 報 》 , 仲 要 沖 杯 靚 參 茶 同 維 他 檸 檬 茶 ! 搞 咁 多 花 臣 , 何 夫 人 都 好 識 做 ,會 俾 兩 百 蚊 貼 士 員 工 , 但 而 家 金 融 海 嘯 , 連 貼 士 都 慳 番 , 寧 願 俾 人 話 係 孤 寒 鬼 。








香 港 靈 格 風 佗 衰 家
幾乎 係 香 港 人 集 體 回 憶 的 靈 格 風 , 終 於 捱 唔 住 執 笠 , 不 過 原 來 全 球 咁 多 個 國 家 的 靈 格風 , 只 有 香 港 咁 唔 掂 。 靈 格 風 總 部 市 場 部 阿 頭 Sarah 同 齊 百 通 講 , 佢 一 直 知 道 香 港 靈 格 風 唔 係 好 掂 , 但 就 強 調 其 他 地 區 的 分 部 運 作 正 常 , 仲 話 唔 明 白 點 解 香 港 情 況 會 咁 差 。
齊 百 通 打 聽 過 , 原 來 內 地 的 靈 格 風 真 係 不 斷 擴 張 , 不 斷 開 分 店 , 不 過 , 佢 可 能 真 係 驚 香 港 靈 格 風 執 笠 連 累 佢 , 所 以 執 笠 消 息 傳 出 翌 日 , 即 刻 國 內 網 站 發 表 聲 明 , 同 香 港 劃 清 界 線 , 以 免 俾 香 港 佗 衰 家 。

香 港 靈 格 風 執 笠 , 其 他 地 區 支 部 即 刻 發 表 聲 明 劃 清 界 線 。 ( 《 蘋 果 日 報 》 圖 片 )
醫 院 頻 頻 出 錯 , 院 長 任 燕 珍 要 負 最 大 責 任 。 ( 《 蘋 果 日 報 》 圖 片 )



東 區 醫 院 貪 方 便 , 把 「 毒 牛 雜 」 當 垃 圾 放 落 堆 填 區 , 上 週 搜 嬰 屍 警 員 , 分 分 鐘 見 到 。



東 區 醫 院 「 毒 牛 雜 」 當 垃 圾
嬰 屍 搵 唔 到 , 但 事 件 其 實 仲 未 完 。 東 區 醫 院 做 事 苟 且 , 並 不 是 殮 房 職 員 獨 有 。
醫 護 界 最 近 得 悉 , 東 區 醫 院 半 年 前 起 , 將 一 俗 稱 「 牛 雜 」 人 體 組 織 樣 本 , 包 括 腸 臟 、 血 液 、 皮 膚 組 織 等 等 , 當 作 普 通 醫 療 廢 物 處 理 , 未 經 燒 毀 便 送 往 堆 填 區 , 非 常 求 其 。
一名 化 驗 室 人 員 透 露 , 「 牛 雜 」 裡 面 乜 病 毒 都 有 , 按 指 引 要 在 醫 院 內 的 爐 房 燒 毀 , 東區 之 前 都 有 拎 去 俾 仁 濟 燒 , 不 過 聽 聞 近 年 唔 想 排 長 龍 咁 煩 , 有 管 理 層 便 貪 懶 叫 阿 姐( 醫 護 助 理 ) 用 個 半 呎 高 乘 半 呎 闊 的 硬 紙 皮 箱 , 裝 起 晒 用 放 牛 雜 玻 璃 樽 , 當 係 普 通 針 筒 紗 布 垃 圾 丟 去 堆 填 區 就 算 , 乾 手 淨 腳 。 醫 院 發 言 人 則 辯 稱 , 可 能 是 有 人 當 作 化 驗 室 廢 料 處 理 。 真 係 離 晒 譜 。 病 毒 如 果 堆 填 區 洩 漏 , 周 圍 擴 散 就 大 鑊 , 你 話 醫 院 係 咪 草 菅 人 命 !




失 嬰 父 母 為 愛 兒 搞 悼 念 會
東區 醫 院 男 嬰 在 殮 房 離 奇 失 蹤 , 港 府 勞 師 動 眾 破 天 荒 在 堆 填 區 搜 索 一 星 期 補 鑊 , 但 結果 都 係 無 功 而 回 , 最 慘 係 令 失 嬰 父 母 連 最 後 一 絲 希 望 都 幻 滅 埋 。 據 知 早 已 為 夭 折 愛兒 領 洗 高 氏 夫 婦 , 仍 會 舉 行 簡 單 悼 念 會 紀 念 早 逝 兒 子 , 但 就 只 會 邀 請 十 數 個 教 友 , 低 調 地 與 兒 子 告 別 。
為出 世 一 日 的 嬰 兒 設 喪 禮 雖 然 罕 有 , 但 殯 儀 業 商 會 理 事 長 劉 傑 仁 就 講 , 多 年 前 佢 都 接過 這 類 嬰 兒 喪 禮 , 度 身 訂 做 小 棺 木 , 在 道 堂 唸 經 超 度 , 但 就 無 好 似 大 人 咁 設 靈 守 夜; 基 督 教 儀 式 就 更 簡 單 , 由 牧 師 講 道 同 祈 禱 就 禮 成 。 佢 話 無 論 中 西 儀 式 , 講 到 底 都係 一 份 心 意 , 因 為 好 多 父 母 都 認 為 , 小 朋 友 雖 然 早 夭 , 但 來 到 人 間 都 算 一 場 緣 分 。
不 過 咁 , 佢 都 直 言 呢 類 喪 禮 可 免 則 免 , 原 因 係 佢 呢 行 好 迷 信 , 好 多 同 業 都 認 為 小 朋 友 特 別 百 厭 , 做 太 多 , 會 留 戀 人 世 咁 話 喎 。

柴 灣 浸 信 會 全 體 教 友 為 高 氏 夫 婦 代 禱 , 惜 最 終 仍 未 能 尋 得 男 嬰 遺 體 , 但 二 人 仍 決 定 為 愛 兒 舉 行 悼 念 會 。




網 友 上 街 反 Yahoo! 封 鎖
好 多 人 都 鍾 意 上 Yahoo! 拍 賣 網 bid , 但 Yahoo! 話 由 於 網 上 騙 案 多 , 本 月 中 開 始 禁 止 賣 家 在 網 上 刊 登 聯 絡 資 料 , 包 括 電 話 、 地 址 等 , 所 有 交 易 都 必 須經 Yahoo! 拍 賣 平 台 進 行 , 禁 止 買 賣 雙 方 私 下 聯 絡 , 結 果 觸 發 週 日 香 港 網 絡 零 售 商會 發 起 「 反 Yahoo! 壟 斷 」 遊 行 , 遊 行 人 數 達 五 十 人 , 仲 搵 埋 立 法 會 議 員 甘 乃 威 幫拖 。
好 多 網 友 都 話 Yahoo! 忽 然 一 刀 切 禁 止 買 賣 雙 方 聯 絡 , 會 影 響 購 物 意 欲 ,就 以 買 二 手 車 為 例 , 很 多 時 文 字 上 不 能 交 代 拍 賣 品 實 際 情 況 , 所 以 有 需 要 知 道 賣 方的 聯 絡 方 法 , 相 約 驗 車 之 類 等 , 難 怪 示 威 行 動 發 起 人 、 在 拍 賣 網 站 專 賣 家 用 品 的Roger 好 火 滾 , 佢 話 新 措 施 實 施 後 生 意 額 即 時 少 近 一 半 , 都 咪 話 唔 慘 !

一 班 網 友 上 街 反 對 Yahoo! 封 鎖 拍 賣 網 , 搞 到 佢 無 啖 好 食 。 ( 王 偉 洪 攝 )




歡迎光臨 www.forum4hk.com 一個香港只得一個支持言論自由香港論壇討論區 (http://forum4hk.com/) Powered by Discuz! 6.0.0