Latour

你對上一次拎起毛筆、墨盒，是多久前的事？時代變遷，工作為求快捷，一切變得電腦化。當以為親筆寫字已過時，一位80後靚女，卻毅然辭去安穩的工作，竟以寫大字為生，「如果要搵錢，一定是做金融、地產。現在養到自己，生活知足就夠，開到飯唔係太差已經足夠」。

80後的賴碧琪（Packy），自幼跟隨嫲嫲練字，「嗰時屋企掛咗中式字畫。屋企上一代人好鍾意有毛筆、墨喺屋企，小時候見到日曆有個『福』字，我就跟住福字去寫。」她又指，屋企隨處是毛筆、廢紙，練字是她兒時的娛樂，「得閒你行埋去就寫得，仲要唔係拎紙，而是報紙寫，屋企睇完的舊報紙或者是月曆紙就喺度寫。」