發新話題
打印

[香港新聞] 斬中聯辦愛將   王維基即時死亡

本主題被作者加入到個人文集中

斬中聯辦愛將   王維基即時死亡

斬 中 聯 辦 愛 將   王 維 基 即 時 死 亡


王 維 基 翻 轉 亞 視 十 二 日 後 就 被 迫 下 台 , 成 為 近 年 最 「 短 命 」 的 CEO 。 ( 林 志 謙 攝 )



亞視 近 日 的 高 層 變 動 , 較 其 製 作 的 電 視 劇 更 精 彩 。 擔 任 行 政 總 裁 短 短 十 二 天 的 王 維 基, 把 亞 視 內 部 的 千 瘡 百 孔 揭 露 於 人 前 ; 並 銳 意 抹 去 「 阿 爺 」 的 影 響 力 , 擺 明 唔 做 中央 台 。 他 的 激 烈 言 行 , 對 連 年 虧 蝕 的 亞 視 來 說 有 如 晴 天 霹 靂 。
而 王 維 基 本 週一 突 然 被 炒 魷 , 除 了 因 為 他 聲 言 學 《 蘋 果 日 報 》 , 還 因 下 一 個 開 刀 目 標 , 是 一 直 跑內 地 新 聞 、 與 中 聯 辦 關 係 密 切 的 現 任 新 聞 總 監 譚 衞 兒 。 中 聯 辦 聞 訊 後 向 亞 視 大 股 東查 懋 聲 家 族 反 映 , 致 令 王 維 基 「 起 身 」 。 事 件 證 明 , 一 直 甩 不 掉 內 地 色 彩 的 亞 洲 電視 , 其 政 治 包 袱 之 複 雜 , 非 王 維 基 等 講 求 實 際 的 人 能 夠 駕 御 得 來 。


王 維 基 與 一 眾 亞 視 佳 麗 會 面 , 被 指 有 性 騷 擾 之 嫌 。 ( 《 忽 然 1 周 》 圖 片 )




剛 於 上 週 六 度 過 四 十 七 歲 生 日 的 王 維 基 , 本 週 一 早 上 駕 四 天 前 才 登 記 、 作 為 自 己 賀 壽 禮 物 的 白 色 寶 馬 , 施 施 然 來 到 亞 視 的 大 埔 廠 房 返 工 。這 時 在 廠 房 內 的 新 聞 部 , 高 層 正 與 一 眾 員 工 開 會 , 檢 討 由 王 維 基 下 達 的 精 簡 人 手 及提 高 效 益 的 改 革 方 案 。 這 日 部 門 氣 氛 肅 殺 , 但 中 午 過 後 , 突 然 傳 來 一 個 消 息 , 令 新聞 部 的 人 員 一 齊 歡 呼 鼓 掌 。
原 來 就 在 這 天 下 午 四 時 多 , 亞 視 執 行 主 席 張 永 霖, 就 亞 洲 小 姐 選 美 問 題 舉 行 記 者 會 ; 有 記 者 提 問 最 後 一 條 問 題 , 了 解 王 維 基 涉 嫌 性騷 擾 亞 姐 事 宜 , 張 永 霖 突 然 爆 出 , 王 維 基 已 經 請 辭 。 他 說 : 「 王 維 基 係 由 我 向 查 懋聲 先 生 推 薦 入 亞 視 , 不 過 經 連 日 來 合 作 , 我 處 事 上 有 重 大 分 歧 。 我 公 布 亞 視 接 受 王 維 基 辭 職 ! 」
本 週 一 晚 上 七 時 多 , 數 名 王 維 基 帶 入 亞 視 的 女 職 員 , 將 雜 物 及 一 部 空 氣 清 新 機 搬 上 王 維 基 的 白 色 寶 馬 。 ( 林 志 謙 攝 )



王 維 基 本 週 一 晚 離 開 亞 視 時 , 採 訪 的 記 者 一 擁 而 上 , 將 亞 視 廠 房 外 的 招 財 物 也 推 。 ( 林 志 謙 攝 )



管 理 層 口 徑 不 一
而在 同 日 晚 上 七 時 多 , 數 名 王 維 基 帶 往 亞 視 的 女 員 工 將 一 袋 二 袋 雜 物 、 盆 栽 , 甚 至 空氣 清 新 機 , 搬 上 王 維 基 的 白 色 寶 馬 坐 駕 。 王 隨 後 亦 施 施 然 離 開 , 返 回 位 於 葵 涌 的 城市 電 訊 辦 公 室 。 晚 上 十 時 他 發 表 聲 明 , 表 示 未 有 提 出 請 辭 亞 洲 電 視 行 政 總 裁 一 職 ,又 指 有 關 請 辭 並 不 存 在 , 故 他 並 未 接 到 任 何 董 事 局 接 受 他 請 辭 的 通 知 。
王 維基 的 「 請 辭 」 , 令 亞 視 中 人 大 感 驚 訝 , 事 關 在 過 去 的 週 六 、 日 , 王 維 基 仍 跟 高 層 員工 開 會 , 討 論 新 聞 部 改 革 方 案 。 一 名 亞 視 員 工 說 : 「 由 於 關 偉 同 梁 家 榮 ( 分 別 任 新聞 及 事 務 部 高 級 副 總 裁 及 副 總 裁 ) 已 經 離 任 , 於 是 由 署 任 新 聞 總 監 譚 衞 兒 出 席 會 議 。 王 維 基 在 會 上 透 露 , 要 成 立 一 個 新 的 財 經 台 。 每 隊 共 四人 的 製 作 隊 , 由 現 時 製 作 一 個 節 目 , 加 重 工 作 至 製 作 兩 、 三 個 節 目 ; 並 表 示 每 人 每日 做 足 十 八 個 鐘 也 可 以 , 真 係 實 行 做 爆 你 ! 」
由 於 王 維 基 「 起 身 」 事 出 突 然, 他 之 前 擬 定 的 改 革 方 案 便 有 待 張 永 霖 收 拾 殘 局 。 事 實 王 維 基 與 張 永 霖 的 合 作 關 係並 不 穩 固 , 二 人 過 去 在 電 訊 業 是 敵 對 的 同 行 , 這 次 在 亞 視 攜 手 合 作 , 有 記 者 曾 私 下諮 詢 張 永 霖 , 他 都 說 不 能 背 王 維 基 發 表 意 見 , 因 雙 方 有 協 定 , 合 作 信 心 好 緊 要 。 但 今 次 張 永 霖 卻 選 擇 在 有 關 亞姐 賽 果 涉 嫌 造 馬 、 將 成 立 獨 立 委 員 會 調 查 的 記 者 會 上 , 順 帶 透 露 王 維 基 請 辭 一 事 。
亞視 與 中 央 台 關 係 一 直 密 切 , 去 年 底 亞 視 撥 出 數 碼 頻 道 播 放 中 央 台 節 目 , 大 股 東 查 懋聲 ( 右 五 ) 與 曾 任 高 級 副 總 裁 的 關 偉 ( 左 四 ) 都 有 出 席 簽 約 儀 式 。



數 落 亞 姐 藉 辭 炒 魷
而 張 永 霖 亦 為 王 維 基 的 離 職 , 安 排 了 一 個 解 釋 。
原來 在 上 週 六 , 王 維 基 接 見 一 班 亞 姐 , 竟 然 將 她 們 的 胸 部 一 一 「 解 構 」 。 據 說 他 見 到以 「 警 鐘 胸 」 見 稱 的 落 選 亞 姐 袁 小 曼 時 , 劈 頭 第 一 句 就 問 : 「 你 個 波 係 咪 假 ? 」 袁 小 曼 毫 不 示 弱 答 道 : 「 我 係 真 , 仲 好 軟 熟 , 使 唔 使 摸 ? 」 到 問 及 上 圍 只 有 32A 的 亞 軍 顏 子 菲 , 她 說 自 己 仍 有 進 步 空 間 時 , 王 維 基 即 反 問 : 「 有 乜 進 步 空 間 ? 個 波 大 呀 ? 」
本來 這 次 會 面 只 有 一 班 亞 姐 及 有 關 職 員 知 道 , 但 過 程 卻 在 上 週 六 流 傳 到 報 章 上 , 令 外間 認 為 王 維 基 有 性 騷 擾 亞 姐 之 嫌 。 而 一 班 慘 被 亞 視 高 層 奚 落 的 亞 姐 , 據 知 更 因 亞 視缺 乏 資 金 而 只 獲 獎 品 , 未 有 發 放 獎 金 , 在 貨 不 對 辦 之 下 , 部 分 亞 姐 憤 而 不 肯 簽 合 約履 行 任 務 , 索 性 返 回 原 居 地 。
據 知 情 人 士 透 露 , 亞 姐 事 件 只 是 一 個 幌 子 , 死 因 實 與 新 聞 部 的 改 革 有 關 。
亞 視 新 聞 部 大 部 分 員 工 都 曾 主 力 內 地 採 訪 , 如 助 理 採 訪 主 任 李 彤 ( 右 ) , 便 與 外 交 部 官 員 相 熟 。



學 《 蘋 果 》 出 事
「 佢 一 入 亞 視 就 衝 新 聞 部 而 來 , 左 彈 右 彈 , 差 唔 多 連 化 妝 set 頭 都 要 管 埋 ! 不 過 最 令 阿 爺 唔 安 樂 , 係 佢 要 求 新 聞 部 學 蘋 果 ( 日 報 ) 做 新 聞 。 」 消 息 人 士 稱 。
原來 王 維 基 辦 傳 媒 多 年 , 一 直 對 搞 新 聞 有 興 趣 。 九 九 年 , 城 市 電 訊 推 出 網 上 電 視 台iChannel 。 舊 伙 記 憶 述 , 他 每 週 跟 四 十 多 名 新 聞 台 員 工 開 會 , 又 一 同 午 膳 閒 談 ,「 佢 記 得 晒 我 四 十 幾 個 人 名 , 成 日 話 新 聞 最 緊 要 好 睇 同 簡 單 。 」 有 次 傾 到 如 何 報 導 六 四 燭 光 晚 會 , 他 當 眾 指自 己 八 九 年 移 民 加 拿 大 ( 九 二 年 回 流 香 港 ) , 因 為 「 一 個 連 學 生 都 殺 政 權 , 點 能 夠 信 得 過 ? 叫 大 家 放 膽 去 報 導 。 」 二 千 年 , 他 有 意 用 iChannel 新 聞 台的 資 源 辦 免 費 報 紙 , 參 與 討 論 的 包 括 現 時 《 AM730 》 社 長 盧 覺 麟 及 執 行 董 事 馮 振 超, 但 數 月 後 科 網 潮 爆 破 , 計 劃 難 產 。
上 週 二 請 辭 的 新 聞 及 公 共 事 務 部 副 總 裁 梁 家 榮 , 本 週 一 被 亞 視 執 行 主 席 張 永 霖 挽 留 。 ( 關 永 浩 攝 )




事 隔 多 年 , 王 維 基 終 有 機 會 掌 舵 亞 視 , 馬 上 對 亞 視 被 封 為 「 中 央 十 台 」 大 表 不 滿 , 更 在 員 工 大 會 上 開 口 要 「 去 中 央 化 」 ; 他 說 : 「 我 唔 想 再 做 中 央 台 ! 呢 條 係 死 路 ! 我 唔 係 話 做 中 央 台 好 定 唔 好 , 但 呢 個 唔 係 我 長 處 , 就 算 有 北 方 資 金 , 我 都 唔 會 ; 如 果 要 北 方 支 持 , 你 搵 第 二 個 人 ( 做 行 政 總 裁 ) 啦 , 唔 好 搵 我 ! 」 他 又 炮 轟 新 聞部 副 總 裁 梁 家 榮 監 製 的 《 主 播 天 下 》 包 裝 「 太 娘 」 。 連 番 言 論 , 令 新 聞 部 「 一 、 二哥 」 關 偉 及 梁 家 榮 先 後 請 辭 , 以 表 不 滿 。
可 是 王 維 基 變 本 加 厲 , 繼 續 要 求 新 聞 部 「 變 」 , 希 望 亞 視 再 「 做 一 電 視 台 唔 會 做 」 , 例 如 學 習 《 蘋 果 日 報 》 般 「 追 高 官 、 鬧 政 府 」 。 「 佢 話 鬧 政 府 先 有 市 場 , 應 該 好 似 蘋 果 咁 追 訪 高 官 , 逼 佢 去 牆 角 , 市 民 先 鍾 意 睇 。 」 一 亞 視 員 工 透 露 。 本 週 日 他 向 全 體 員 工 發 出 一 封 電 郵 ,最 終 成 為 自 己 的 催 命 符 。 該 電 郵 下 令 員 工 「 不 可 以 『 創 作 』 新 聞 ; … … 不 可 以 根 據『 據 悉 』 、 『 據 聞 』 、 『 消 息 人 士 透 露 』 的 內 容 撰 寫 新 聞 。 」 及 「 不 應 以 個 人 判 斷去 預 測 某 新 聞 對 社 會 的 後 果 , 來 決 定 新 聞 報 導 與 否 。 」 王 的 說 話 正 是 衝 亞 視 新 聞 部 總 監 譚 衞 兒 而 來 。
上週 二 , 亞 視 各 部 門 主 管 本 來 要 歡 送 何 定 鈞 離 職 , 怎 料 同 日 , 高 層 如 關 偉 ( 後 排 右 一) 、 葉 睿 宇 ( 前 排 右 二 ) 、 梁 家 榮 ( 後 排 左 五 ) 及 何 乃 賢 ( 後 排 左 一 ) 亦 請 辭 。 (《 蘋 果 日 報 》 圖 片 )



欲 斬 中 央 愛 將
於 去 年 十 月 入 職 亞 視 的 譚 衞 兒 曾 任 無 新 聞 主 播 , ○ 三 年 與 上 司 黃 應 士 遠 赴 科 威 特 採 訪 美 伊 戰 爭 , 黃 戴 防 毒 面 具 、 譚 用 濕 毛 巾 掩 面 而 名 噪 一 時 。 祖 籍 廣 東 省 湛 江 市 的 她 , 先 後 畢 業 於 湛 江第 一 中 學 及 廣 州 中 山 大 學 外 文 系 , 後 來 港 當 英 文 《 虎 報 》 記 者 , 再 任 無 總 採 訪 主 任 , 專 責 國 內 新 聞 , 與 中 方 關 係 良 好 , 跟 中 聯 辦 主 任 助 理 陳 山 玲 相 當 稔 熟 , 被 視 為 「 北 京 通 」 。
自上 週 一 梁 家 榮 辭 任 後 , 譚 衞 兒 兩 日 後 便 署 任 新 聞 部 副 總 裁 一 職 。 接 近 王 維 基 的 消 息指 , 譚 經 常 以 不 署 名 的 方 式 報 導 中 聯 辦 官 員 立 場 , 猶 如 將 亞 視 定 位 為 中 方 喉 舌 ; 又認 為 有 新 聞 部 員 工 抱 怨 被 迫 淡 化 泛 民 主 派 的 新 聞 , 應 該 由 她 來 鑊 。 消 息 指 , 自 譚 衞 兒 頂 替 梁 家 榮 空 缺 後 , 王 維 基 即 向 新 聞 部 和 節 目 部 打 探 譚 的 工作 能 力 。 他 亦 深 知 譚 衞 兒 後 台 強 硬 , 故 週 日 發 出 教 記 者 如 何 做 新 聞 的 電 郵 後 , 晚 上曾 向 其 他 管 理 層 探 聽 若 然 她 離 職 , 會 否 招 來 「 惡 果 」 , 想 不 到 「 探 子 未 回 報 」 , 翌日 王 即 收 到 「 逐 客 令 」 。
王 維 基 新 官 上 任 便 來 個 下 馬 威 , 把 自 己 訓 斥 員 工 「 唔 做 中 央 台 」 的 片 段 放 上 YouTube , 得 罪 北 大 人 。



亞 視 廣 告 的 收 費 較 無 為 低 , 故 不 少 內 地 牌 子 在 亞 視 大 賣 廣 告 , 如 圖 中 的 立 白 洗 衣 粉 便 經 常 贊 助 亞 視 節 目 。




原來 王 維 基 連 番 「 壯 語 」 , 「 阿 爺 」 甚 為 不 悅 。 據 悉 , 中 聯 辦 有 官 員 上 週 私 下 與 亞 視大 股 東 查 懋 聲 家 族 接 觸 , 表 達 對 亞 視 新 路 向 的 「 關 注 」 , 「 中 聯 辦 無 開 口 叫 佢 炒 王維 基 , 不 過 查 家 在 親 中 政 圈 打 滾 多 年 , 點 會 唔 明 佢 意 思 ? 雖 然 查 家 好 想 透 過 王 維 基 幫 亞 視 起 死 回 生 , 不 過 權 衡 輕 重 後 , 最 後 都 係 揀 犧 牲 王 維 基 。 」 知 情 人 士 表 示 。
本 刊 訪 問 亞 視 股 東 之 一 的 陳 永 棋 , 他 亦 坦 言 王 維 基 改 革 操 之 過 急 : 「 我 都 佢 『 辭 職 』 之 後 , 先 由 張 永 霖 致 電 通 知 我 。 我 諗 張 永 霖 有 辦 法 搞 ! 王 維 基 係 有 才 幹 , 但 性 情 就 劇 烈 同 魯 莽 , 有 時 佢 講 都 好 過 分 ! 」 他 更 點 名 指 梁 家 榮 在 新 聞 界 很 有 地 位 , 不 應 在 員 工 會 議 上 質 疑 對 方 能 力 及 以 言 論 對 他 作 出 侮 辱 。
九 四 年 「 亞 視 六 君 子 」 不 滿 高 層 禁 播 六 四 紀 錄 片 , 憤 而 辭 職 , 成 為 傳 媒 界 一 時 佳 話 。



中 央 喉 舌   達 賴 唔 出 鏡
事實 上 , 北 京 一 直 很 想 操 控 香 港 傳 媒 , 尤 其 在 ○ 三 年 七 一 五 十 萬 人 上 街 遊 行 後 , 中 央把 香 港 「 亂 局 」 歸 咎 於 傳 媒 鼓 動 。 翌 年 立 法 會 選 舉 前 , 阿 爺 開 始 監 控 香 港 輿 論 , 兩支 咪 黃 毓 民 及 鄭 經 翰 先 後 受 壓 封 咪 , 連 接 手 開 咪 的 李 鵬 飛 亦 收 到 「 午 夜 兇 鈴 」 ( 前港 澳 辦 處 長 成 綬 三 深 夜 致 電 李 , 查 問 他 的 妻 女 近 況 , 李 當 時 感 到 受 威 脅 , 決 定 封 咪) 。
而 亞 視 雖 收 視 低 迷 , 但 始 終 是 免 費 電 視 , 有 一 定 影 響 力 , 中 央 自 九 十 年代 開 始 便 欲 抓 緊 。 當 時 富 豪 林 百 欣 入 主 亞 視 , 新 聞 部 已 開 始 自 我 審 查 ; 九 四 年 亞 視新 聞 部 購 入 一 部 由 西 班 牙 電 視 台 拍 攝 的 《 八 九 天 安 門 事 件 》 紀 錄 片 , 但 被 管 理 層 禁播 , 六 名 資 深 新 聞 工 作 者 潘 福 炎 、 李 玉 蓮 、 盧 永 雄 、 徐 佩 瑩 、 劉 國 華 及 呂 雲 生 請 辭以 示 抗 議 , 人 稱 「 亞 視 六 君 子 」 。
其 後 林 伯 把 亞 視 股 權 出 售 予 全 國 政 協 常 委陳 永 棋 , 以 及 一 班 大 陸 商 人 封 小 平 、 吳 征 和 劉 長 樂 , 亞 視 更 加 「 染 紅 」 , 新 聞 部 開始 報 喜 不 報 憂 , 例 如 七 一 回 歸 就 「 大 做 」 升 旗 、 唱 國 歌 , 五 十 萬 人 上 街 遊 行 就 「 有咁 細 做 咁 細 」 ; 跟 中 央 長 期 敵 對 的 台 灣 前 總 統 陳 水 扁 , 亞 視 只 稱 呼 他 作 「 領 導 人 」便 算 。
去 年 親 中 的 查 懋 聲 家 族 入 主 後 , 新 聞 部 更 加 緊 貼 北 風 , 有 傳 被 北 京 視 為 反 動 分 子 的 西 藏 精 神 領 袖 達 賴 喇 嘛 , 更 不 能 在 亞 視 新 聞 「 出 鏡 露 面 」 。
邱 德 根 ( 左 一 ) 八 二 年 接 手 麗 的 電 視 , 並 改 名 為 亞 洲 電 視 ; 左 二 為 其 子 邱 達 昌 , 中 間 是 亞 姐 黎 燕 珊 , 右 一 是 周 梁 淑 怡 , 右 二 為 林 建 岳 。

TOP



亞 視 在 收 視 上 一 直 被 無 遠 遠 拋 離 , 但 偶 有 佳 作 , 如 八 十 年 代 的 劇 集 《 大 地 恩 情 》 , 收 視 超 逾 對 方 , 甚 至 令 無 的 《 輪 流 轉 》 被 迫 腰 斬 。



根 深 蒂 固 難 改 變
亞視 過 去 多 次 易 手 , 都 抹 不 掉 內 地 色 彩 , 而 且 年 年 虧 損 嚴 重 , 已 經 難 分 因 果 。 估 計 過去 十 數 年 內 已 虧 損 五 十 億 元 , 除 了 邱 德 根 年 代 曾 有 過 短 暫 賺 錢 的 日 子 。 曾 在 亞 視 出任 監 製 十 多 年 , 數 年 前 離 職 的 趙 汝 強 憶 述 說 : 「 邱 德 根 當 年 真 係 好 慳 , 我 只 能 申 請 廁 所 多 一 卷 廁 紙 , 而 且 申 請 到 已 經 好 好 ! 不 過 佢 俾 好 大 自 由 我 , 令 我 做 得 好 開 心 , 因 為 佢 知 道 我 , 無 可 能 搵 到 更 加 平 製 作 人 。 」 其 後 林 百 欣 接 手 , 到 封 小 平 年 代 , 亞 視 節 目 開 始 「 內 地 化 」 , 一 班 製 作人 見 難 發 揮 創 意 , 都 相 繼 辭 職 。 趙 汝 強 補 充 說 : 「 王 維 基 要 改 革 , 遇 到 阻 力 同 困 難 一 定 好 大 好 大 , 因 為 亞 視 文 化 同 風 氣 實 在 太 耐 , 難 以 短 時 間 內 改 變 。 」
本 週 一 晚 離 開 亞 視 後 , 打 鍾 愛 的 綠 色 領 呔 , 認 為 能 帶 來 好 意 頭 的 王 維 基 , 即 時 返 回 城 市 電 訊 位 於 葵 涌 的 辦 公 室 。 怕 且 他 短 期 內 無 論 「 」 還 是 「 醒 」 , 都 要 專 心 在 此 工 作 。 ( 林 志 謙 攝 )



王 維 基 家 住 山 頂 馬 己 仙 峽 道 四 十 號 嘉 樂 苑 , 物 業 九 七 年 以 三 千 九 百 萬 元 購 入 。 ( 張 國 慶 攝 )



城 市 電 訊 今 年 中 退 出 新 加 坡 寬 頻 網 絡 競 投 後 , 專 注 發 展 香 港 市 場 , 並 狂 谷 「 光 纖 無 處 不 在 」 的 宣 傳 廣 告 。



城 市 電 訊 早 年 的 殺 價 超 人 廣 告 , 深 入 民 心 。



早 年 宣 傳 手 電 IDD 服 務 的 廣 告 「 任 你 上 」 , 鬧 得 滿 城 風 雨 , 最 終 要 在 報 章 刊 登 全 版 道 歉 啟 事 。



四 大 電 視 台 比 拼



性 格 決 定 命 運
今年 四 十 七 歲 的 王 維 基 , 一 向 以 出 位 見 稱 , 與 他 同 在 中 大 修 讀 行 政 人 員 工 商 管 理 碩 士( EMBA ) 的 同 學 也 說 : 「 佢 上 堂 時 候 經 常 紮 行 馬 , 甚 至 當 面 批 評 教 授 無 料 到 , 在班 中 人 緣 普 通 , 兩 星 期 前 的 畢 業 禮 也 沒 有 出 席 。 」 他 出 身 於 小 康 之 家 , 八 九 年 與 太太 移 民 加 拿 大 後 , 創 辦 電 訊 公 司 , 於 九 二 年 只 帶 三 十 多 萬 元 回 流 返 港 搶 攻 長 途 電 話 市 場 , 創 辦 了 城 市 電 訊 公 司 。 為 了 要 打 低 當 時 電訊 業 一 哥 香 港 電 訊 , 他 打 價 格 戰 , 推 出 互 聯 網 「 今 世 唔 收 」 計 劃 , 還 令 當 時 的 長 途電 話 費 用 由 每 分 鐘 收 費 十 二 個 三 , 下 調 至 每 分 鐘 三 毫 子 。
他 亦 語 不 驚 人 誓 不 休 , 推 出 的 「 魔 鬼 一 六 六 六 」 和 特 寫 一 位 穿 短 裙 女 士 的 雙 腿 上 寫 「 任 你 上 」 的 廣 告 , 令 市 場 嘩 然 , 廣 管 局 亦 指 收 到 很 多 有 關 投 訴 , 但 結 果 是 城 市 電訊 吸 納 了 七 十 萬 客 戶 , 即 當 年 每 三 戶 就 有 一 戶 是 城 市 電 訊 顧 客 , 而 城 市 電 訊 亦 於 九七 年 上 市 , 當 時 市 值 七 億 多 元 。 本 週 二 城 市 電 訊 收 報 一 元 零 一 仙 , 總 市 值 六 億 九 千多 萬 元 。 曾 揚 言 「 醒 時 候 返 亞 視 , 發 夢 時 候 返 香 港 寬 頻 」 的 王 維 基 , 相 信 要 留 守 香 港 寬 頻 在 葵 涌 的 大 本 營 , 才 能 繼 續 發 其 「 電 視 大 亨 」 的 春 秋 美 夢 。
王 維 基 度 橋 以 「 癲 」 見 稱 , 曾 扮 做 魔 鬼 , 又 想 出 送 叉 燒 飯 的 招 數 , 比 賭 王 何 鴻 燊 更 早 。



王 維 基 履 歷
47 歲 , 已 婚 , 一 子 一 女
職 位 : 城 市 電 訊 ( 1137 ) 主 席
董 事 : 城 市 電 訊 執 行 董 事 、 堡 獅 龍 獨 立 非 執 行 董 事
資 歷 :
1985 年 : 中 文 大 學 電 子 工 程 學 系 畢 業 , 同 年 加 入 IBM 電 腦 公 司
1989 件 : 離 開 IBM , 移 民 加 拿 大 , 在 當 地 經 營 電 腦 公 司
1991 年 : 在 加 拿 大 創 辦 城 市 電 訊
1992 年 : 回 流 香 港 , 成 立 城 市 電 訊 , 搶 攻 長 途 電 話 市 場
1997 年 : 城 市 電 訊 上 市
2008 年 : 中 大 行 政 人 員 工 商 管 理 碩 士 ( EMBA ) 畢 業 , 出 任 亞 視 行 政 總 裁 十 二 天
王 維 基 在 亞 視 的 十 二 天
4/12 ︰ 王 維 基 開 記 者 會 , 宣 布 擔 任 亞 視 行 政 總 裁 。
7/12 ︰ 與 新 聞 部 開 會 , 批 評 新 聞 部 包 裝 , 提 出 走 娛 樂 化 路 線 。
8/12 ︰ 多 名 高 層 包 括 葉 睿 宇 、 關 偉 、 何 乃 賢 及 梁 家 榮 劈 炮 。
9/12 ︰ 管 理 層 要 求 部 門 主 管 交 出 裁 員 名 單 , 預 料 裁 減 180 人 。 並 召 開 員 工 大 會
11/12 ︰ 將 員 工 大 會 片 段 放 上 YouTube 網 站 , 表 示 幫 大 陸 佬 打 工 是 一 條 死 路 。
12/12 ︰ 接 見 亞 姐 , 並 質 問 對 方 胸 部 真 偽 。
14/12 ︰ 向 員 工 發 信 , 指 管 理 層 要 有 誠 信 , 負 責 任 。
15/12 ︰ 張 永 霖 指 於 下 午 四 時 已 接 受 王 維 基 請 辭 , 但 王 維 基 於 晚 上 十 時 發 聲 明 指 未 有 提 出 請 辭 。
十 二 天 CEO 王 維 基 語 錄
1. 我 返 五 日 工 , 我 發 覺 我 鍾 意 呢 度 多 過 自 己 一 手 創 辦 公 司 。
2. 我 做 三 樣 , 唔 做 中 央 台 、 做 香 港 人 電 視 台 及 帶 領 大 家 走 出 困 局 。
3. ( 亞 視 ) 差 到 無 可 再 差 ! 差 在 無 文 化 、 無 目 標 、 無 溝 通 。 大 家 唔 知 自 己 做 緊 咩 !
4. 知 唔 知 成 個 新 聞 部 有 幾 多 人 , 一 年 使 幾 多 錢 ? 係 三 百 幾 人 ! 一 年 使 一 億 五 千 萬 !
5. 我 入 呢 度 做 因 為 呢 度 衰 到 貼 地 , 先 有 機 會 V 形 反 彈 。
6. 我 對 員 工 只 有 一 個 要 求 , 一 個 字 「 Change 」 。
7. 香 港 人 係 有 尊 嚴 , 唔 應 該 成 日 問 阿 爺 , 好 丟 面 。
8. 就 算 有 北 面 的 支 持 , 我 都 唔 會 要 。
9. 我 唔 係 呢 度 做 六 個 月 , 錢 , 我 係 有 好 長 遠 方 案 。
10. 如 果 有 人 想 亞 視 走 紅 色 中 央 台 路 線 , 請 你 離 開 。
節 錄 自 4/12 記 者 會 及 9/12 的 亞 視 員 工 大 會
亞 視 六 度 易 手
1957 年 ︰ 麗 的 呼 聲 ( 亞 視 前 身 ) 創 台 , 投 資 四 百 萬 , 以 收 費 形 式 經 營 有 線 廣 播 。
1973 年 ︰ 取 得 無 線 廣 播 牌 照 , 轉 型 為 免 費 電 視 , 改 名 「 麗 的 電 視 」 。
1981 年 ︰ 首 次 賣 盤 , 作 價 一 億 二 千 萬 , 向 澳 洲 財 團 出 售 約 六 成 股 權 。
1982 年 ︰ 遠 東 集 團 邱 德 根 , 以 一 億 元 收 購 五 成 股 權 , 並 易 名 「 亞 洲 電 視 」 。
1988 年 ︰ 麗 新 林 百 欣 及 新 世 界 鄭 裕 彤 , 出 價 四 億 元 買 入 三 分 一 股 權 , 六 年 後 , 林 百 欣 透 過 增 持 , 成 為 亞 視 單 一 大 股 東 。
1998年 ︰ 林 百 欣 在 台 灣 牽 涉 賄 賂 案 遭 拘 留 , 同 年 , 「 紅 色 資 本 家 」 封 小 平 , 夥 同 商 人 劉長 樂 、 陳 永 棋 、 吳 征 及 黃 保 欣 等 人 , 提 出 收 購 , 由 封 小 平 出 掌 亞 視 。
2002 年︰ 封 小 平 突 然 辭 職 , 劉 長 樂 與 陳 永 棋 透 過 今 日 亞 洲 購 入 四 成 六 股 份 , 劉 長 樂 為 大 股東 , 陳 永 棋 出 任 行 政 總 裁 。 同 年 陳 永 棋 再 買 入 林 百 欣 三 成 三 股 權 , 成 為 亞 視 新 主 。
2006 年 ︰ 中 信 集 團 附 屬 公 司 僑 光 集 團 擬 收 購 亞 視 , 並 一 度 向 行 政 會 議 提 出 申 請 。
2007 年 ︰ 愛 國 商 人 查 氏 家 族 , 夥 拍 前 無 董 事 總 經 理 費 道 宜 及 荷 蘭 銀 行 , 收 購 亞 視 近 六 成 股 權 , 由 查 懋 聲 出 任 主 席 兼 董 事 。
2008 年 ︰ 管 理 層 大 換 血 , 費 道 宜 出 走 , 原 無 舊 部 亦 相 繼 離 職 , 十 二 月 初 , 前 電 訊 盈 科 副 主 席 張 永 霖 及 城 市 電 訊 主 席 王 維 基 空 降 亞 視 , 分 別 出 任 執 行 主 席 及 行 政 總 裁 。
張 永 霖 指 王 維 基 已 辭 任 亞 視 行 政 總 裁 。


撰 文 ︰ 區 嘉 儀 、 呂 珠 玲 、 高 明 珠 、 黃 菲 菲 、 梁 佩 均
資 料 ︰ 資 料 組

TOP

發新話題