時事短打 : 反黑圍捕「旺角紅人」

[E521]

時事短打 : 反黑圍捕「旺角紅人」 沉 寂 已 久 的 砵 蘭 街 ， 又 再 起 風 雲 。
旺 角 區 有 輩 分 的 大 佬 ， 不 是 轉 低 調 便 是 入 冊 ， 誰 也 不 願 意 成 為 警 方 目 標 人 物 。 但 世 事 無 奇 不 有 ， 偏 偏 有 個 名 不 經 傳 的 雙 花 紅 棍 ， 要 逆 勢 擴 展 ， 甚 至 揚 言 要 獨 霸 旺 角 紅 燈 區 。
這 個 人 叫 標 頭 ， 旺 角 呢 期 紅 人 ， 反 黑 頭 號 目 標 。
上 週 四 ， 本 刊 全 程 直 擊 反 黑 組 大 舉 出 擊 ， 圍 剿 標 頭 ！
上 週 四 下 午 ， 年 約 四 十 餘 歲 、 前 額 微 禿 、 號 稱 砵 蘭 街 馬 檻 大 王 的 水 房 大 哥 標 頭 ， 正 如 常 與 手 下 鐵 頭 及 阿 基 等 人 在 砵 蘭 街 近 山 東 街 的 茶 餐 廳 打 躉 ， 他 們 當 時 正 高 談 闊 論 ， 口 水 狂 噴 ， 一 派 陀 地 大 哥 般 的 架 子 。
這 間 茶 餐 廳 是 區 內 出 名 的 「 水 房 竇 」 ， 水 房 一 系 人 馬 經 常 在 此 聚 腳 吹 水 ， 或 者 在 吹 雞 晒 馬 時 傾 巢 而 出 。
卡 座 上 聲 大 夾 惡 的 標 頭 ， 是 水 房 四 二 六 紅 棍 級 人 馬 ， 又 是 今 期 砵 蘭 街 最 惹 火 人 物 ， 首 創 向 馬 伕 和 妓 女 收 取 保 護 費 ， 弄 致 旺 角 紅 燈 區 「 天 怒 人 怨 」 ， 故 即 使 他 態 度 囂 張 ， 茶 餐 廳 伙 記 及 眾 馬 伕 也 不 敢 瞄 多 兩 眼 ， 各 自 低 頭 飲 凍 奶 茶 。
標 頭 旁 若 無 人 ， 卻 不 料 早 已 被 反 黑 組 探 員 跟 蹤 多 日 ， 餐 廳 內 外 的 探 員 已 成 圍 捕 之 勢 ， 只 待 一 聲 令 下 ， 便 要 這 個 「 旺 角 紅 人 」 束 手 就 擒 。

五 時 十 五 分 ， 標 頭 和 手 下 正 開 懷 大 笑 之 際 ， 逾 二 十 名 旺 角 反 黑 組 探 員 突 然 奪 門 而 入 ， 「 咪 郁 呀 ， 差 人 做 ， 坐 定 定 度 ！ 」 呼 喝 聲 中 ， 另 一 隊 探 員 即 時 封 鎖 了 茶 餐 廳 的 前 後 門 口 ， 標 頭 即 時 面 色 一 沉 有 點 驚 慌 ， 茶 餐 廳 內 諸 人 眼 光 也 朝 向 他 ， 一 些 馬 伕 也 笑 瞇 瞇 等 看 熱 鬧 。 最 後 ， 標 頭 及 手 下 鐵 頭 、 阿 基 等 七 人 同 被 探 員 拘 捕 ， 即 場 宣 稱 他 們 涉 及 早 前 的 一 宗 恐 嚇 勒 索 案 件 。
其 後 ， 探 員 還 在 茶 餐 廳 的 閣 樓 搜 出 兩 把 利 刀 、 三 支 水 喉 通 、 刀 套 及 飛 虎 頭 套 等 物 品 ， 茶 餐 廳 老 闆 也 被 帶 回 警 署 調 查 。
「 預 啦 ， 旺 角 區 邊 個 出 位 就 死 邊 個 ， 以 前 大 哥 一 個 跟 一 個 入 冊 ， 依 家 標 頭 玩 咁 寸 ， 差 人 唔 拉 佢 拉 邊 個 。 」 探 員 剛 押 走 標 頭 等 人 ， 茶 餐 廳 內 即 時 如 開 水 沸 騰 ， 馬 伕 們 面 紅 耳 熱 激 烈 討 論 。
強 姦 北 姑 事 件
砵 蘭 街 這 幾 個 月 連 續 發 生 北 姑 報 稱 被 強 姦 ， 馬 伕 被 打 至 昏 迷 ， 連 串 晒 馬 和 警 方 掃 蕩 ， 始 作 俑 者 正 是 標 頭 ， 他 要 雄 霸 砵 蘭 街 ， 結 果 卻 變 成 警 方 眼 中 釘 。
事 緣 三 月 初 ， 一 名 跟 勝 和 高 佬 華 搵 食 的 北 姑 ， 出 鐘 至 長 沙 街 一 間 有 水 房 背 景 的 馬 檻 「 閣 樓 」 時 ， 給 該 馬 檻 話 事 人 阿 柱 以 試 鐘 為 由 拖 入 房 強 姦 。 該 北 姑 後 來 哭 喪 臉 返 回 上 海 街 金 都 馬 檻 ， 向 馬 伕 高 佬 華 投 訴 ， 被 標 頭 手 下 阿 柱 強 姦 。 高 佬 華 於 是 即 時 致 電 阿 柱 講 數 ， 但 不 得 要 領 並 反 被 人 叫 收 皮 。 高 佬 華 明 白 水 房 是 有 心 挑 釁 ， 因 標 頭 早 前 已 揚 言 向 砵 蘭 街 妓 女 收 取 每 日 一 百 元 的 保 護 費 ， 高 佬 華 曾 帶 頭 反 對 ， 現 在 麻 煩 終 於 找 上 門 來 。
高 佬 華 見 水 房 越 踩 越 埋 ， 於 是 罕 有 地 不 以 江 湖 事 江 湖 了 斷 ， 反 而 走 了 去 報 警 「 玩 大 件 事 」 ， 阿 柱 後 來 涉 嫌 強 姦 給 警 方 拘 捕 ， 但 高 佬 華 旋 即 在 街 頭 被 廿 多 人 的 水 房 少 年 兵 團 ， 圍 毆 重 傷 至 入 了 廣 華 醫 院 深 切 治 療 部 ， 近 日 才 康 復 出 院 ， 而 勝 和 的 馬 檻 近 月 仍 陸 續 被 水 房 人 馬 掃 場 。
旺 角 紅 燈 區 市 場 日 漸 萎 縮 ， 為 獨 霸 市 場 ， 標 頭 想 出 收 保 護 費 一 招 ， 期 望 趕 走 其 他 幫 派 馬 伕 。 他 的 如 意 算 盤 雖 打 得 響 ， 卻 不 料 自 己 剛 一 出 位 ， 即 已 成 了 反 黑 組 的 獵 物 ， 難 得 旺 角 沉 寂 多 時 ， 難 耐 清 閒 的 探 員 終 於 有 了 新 的 目 標 人 物 。

以 前 的 砵 蘭 街 （ 右 ） ， 性 感 北 姑 隨 處 可 見 ， 現 在 （ 左 ） 則 冷 冷 清 清 ， 馬 伕 要 主 動 帶 領 北 姑 上 街 拉 客 。
水 房 玩 火 自 焚
以 打 擊 標 頭 為 名 ， 反 黑 組 探 員 更 順 勢 在 旺 角 大 掃 蕩 ， 頻 頻 到 馬 檻 查 牌 之 餘 ， 就 連 低 層 古 惑 仔 搵 食 的 四 仔 鹹 碟 檔 口 ， 也 變 成 探 員 打 擊 對 象 ， 一 時 間 旺 角 區 內 古 惑 仔 怨 聲 載 道 ， 紛 紛 埋 怨 標 頭 累 街 坊 ， 警 方 的 政 策 也 很 簡 單 ， 有 人 搞 事 ， 就 要 全 體 古 惑 仔 「 冇 啖 好 食 」 。
馬 伕 阿 賢 表 示 ， 多 年 來 警 方 集 中 打 擊 勝 和 、 十 四 K ， 水 房 逃 過 一 劫 不 知 機 低 調 ， 卻 反 而 跳 出 來 霸 地 盤 ， 令 其 他 幫 派 人 馬 百 思 不 得 其 解 。 「 佢 講 到 有 晒 計 劃 ， 水 房 想 獨 攬 晒 旺 角 ， 由 瑞 興 、 誠 興 麻 雀 館 睇 場 ， 到 朗 豪 坊 小 巴 站 頭 及 旺 角 泥 蜢 的 士 線 站 頭 都 要 由 水 房 話 事 ， 再 加 上 金 旺 角 、 金 寶 城 ， 一 系 列 金 字 頭 K 壓 夜 總 會 ， 要 隻 手 遮 天 隻 哦 ， 真 係 當 差 佬 退 晒 休 。 以 前 砵 蘭 街 好 景 ， 大 家 齊 齊 搵 錢 ， 反 而 少 打 打 殺 殺 ， 依 家 唔 好 景 ， 為 少 少 利 益 已 經 鬼 殺 咁 嘈 ， 塊 餅 細 ， 當 然 想 自 己 一 個 食 晒 啦 ， 唔 通 仲 同 人 分 咩 ？ 」 馬 伕 阿 賢 慨 嘆 。 標 頭 野 心 太 大 ， 又 不 客 觀 分 析 形 勢 ， 搞 風 搞 雨 惹 來 同 行 敵 對 ， 又 被 警 方 圍 剿 ， 結 果 「 偷 雞 唔 到 蝕 米 」 。
標 頭 在 差 館 被 通 宵 嚴 厲 盤 查 後 ， 他 與 一 班 手 下 最 終 獲 准 保 釋 外 出 ， 雖 暫 未 被 落 案 起 訴 ， 但 氣 燄 已 大 為 收 斂 。
「 睇 跟 住 又 到 邊 個 想 出 位 先 ！ 」 茶 餐 廳 內 ， 一 班 老 馬 伕 細 聲 講 大 聲 笑 。


探 員 未 採 取 行 動 前 ， 標 頭 仍 在 餐 廳 內 與 人 高 談 闊 論 。

另 一 隊 反 黑 探 員 即 封 鎖 餐 廳 門 口 ， 當 時 氣 氛 十 分 緊 張 ， 不 讓 任 何 人 出 入 。

涉 嫌 勒 索 砵 蘭 街 馬 伕 的 水 房 標 頭 ， 上 週 四 被 旺 角 反 黑 組 拘 捕 及 蒙 頭 帶 返 警 署 。

在 餐 廳 閣 樓 ， 探 員 不 但 搜 出 一 批 刀 及 其 他 武 器 ， 兼 破 了 水 房 在 旺 角 的 一 個 兵 器 庫 。