05-15-2009, 11:11 AM
8964常在我身
http://hk.apple.nextmedia.com/template/a...d=12760476
【六四 二十周年專版】當權者叫大家放下包袱,偏偏許多香港人就是萬般放得下,惟有 8964隨身。
記者:張嘉雯
要一網打盡搞事死硬派,監聽有 8964這組數字的電話號碼,命中率應該相當高。林國璋主持的基督教善樂堂,可能是繼民主派外,擁有最多 8964號碼的組織,教會的電話、傳真、他本人及部份教友的手機,都有這組「死硬密碼」。他曾因六四真相跟其他牧師「開拖」,覺得 20年來香港已經乖夠,是時候剔除心中顧慮,為平反而努力。
在會堂內隨手拿起一本刊物、單張,甚至年曆卡,上面都印有教會的電話、傳真, 8964這組字,特別用上鮮紅色。知情的人,一望就明白。
89年 5月底,神學畢業不久的林國璋跟學聯的朋友到北京支持學運,住在帳幕中,看着民主女神像建成,廣場上有人跳舞、唱歌,有人討論國情,氣氛像嘉年華,「好神奇,嗰時冇手提,淨係靠啲人踩單車通傳,一有集會就有幾十萬人去。」
死硬派牧師:
出於信仰要求
林國璋曾在廣播站內代表香港巿民發表三分鐘講話,「當時好多人去講,有個婆婆行咗三日三夜路,就係為咗講一番說話,有個中年女人帶住成大叠講稿去發言。」
那年他在廣場上跟學生吃飯合照,完全沒想過運動會以血腥屠殺結束。跟他合照的朋友,後來被捕,他也被迫放棄到北京進修音樂。
兩年後,他到上海的教會交流,因為六四跟當地牧師「開拖」。林說,當年同行者提起八九民運,一位身兼人大代表的老牧師打斷發言,「佢話要講畀我聽當時發生咗乜事,講咗半個鐘,我 cut番佢:『好多謝你,你講嘅嘢我哋都好清楚㗎喇,同總理講嘅一樣』。」
之後,他繼續「死硬」, 11年前成立善樂堂,固網電話、傳真及手提,都用上 8964。至於這些號碼怎樣得來,他不願透露,「其他教會唔想太張揚,可能擔心影響事工發展,有啲人會覺得呢間教會唔係教會,好政治,之不過我係一個牧師,咁樣做,係出於信仰要求。」
猶如傳福音
「我哋有責任傳揚」
「如果連 20年前嘅事我哋都講唔到,我哋點同人講耶穌?點講 2,000年前嘅事?早期門徒都係唔畀講耶穌生平,佢哋付上生命代價都要傳揚,如果唔係福音點可以傳咗 2,000年?我哋係有責任。」
翻開當年報章廣告,滿眼是「屠殺」、「血腥」、「暴力」、「暴政」,今時今日卻變了「風波」、「事件」,「一件大是大非嘅事,淡化得好緊要。當年嘅廣告寫得好清楚,但就係有啲人為咗自己嘅利益,令呢件事至今仍然未得到解決。」
在他心中,六四從未完結,「流亡嘅人仲係返唔到屋企,正常人要回家咪回家囉,你掃墓我掃墓,仲乜佢哋唔掃得?咁樣死咗個仔,搞個追思會好正常啫,咁正常都要禁止?」他指受難者家屬至今仍然承受很大壓力,「唔好講還佢哋公道,淨係想佢哋得到正常人一樣嘅對待都唔得?」
他記得,民運後有牧師接受電台訪問,推測共產黨三年內必垮台,「家 20年啦,我都由後生變咗中坑, 20年後仍然係咁,我就變老坑。大家都咁乖, 20年來都唔講,得到乜利益先?返大陸旅行?唔返大陸咪去泰國囉,我哋已經乖咗 20年㗎喇!」
陳一諤警醒
號碼紀念不足夠
對六四平反,他越來越不樂觀,「我唔信一代人過咗去,諗住人哋七、八十歲就平反到,家啲人,十幾歲已經係袁木,我哋要平反就要努力,香港相對自由,大家要剔除內心嘅恐懼同顧慮,如果我哋唔出聲,佢哋嘅白色恐怖就成功咗。」
年初,他獲邀到浸會大學分享,播放了小量六四片段,同學們一句「原來槍聲係咁㗎」,令他感到很驚嚇,「佢哋唔知《河殤》係乜,唔知方勵之係邊個,不過都唔可以怪佢哋,佢(方勵之)都匿埋咗 20年,書都冇再版,《天安門》都買唔到,《河殤》都要去博物館先搵到。」
其後出現的陳一諤,更令他驚覺只用號碼來做紀念,可能不夠,「家唔係袁木、唔係馬力、唔係曾鈺成,或者一個老奸巨猾同你講呢啲嘢,係一個後生仔同你講,你話驚唔驚?」
於是,他以民運事件為脈絡,製作了苦路 14處小冊子,簡述六四屠城經過,在會堂內與信眾同行苦路,「等啲年輕人可以了解件事嘅來龍去脈,如果唔係就好似五四運動咁,越來越模糊。」他會繼續推廣新版苦路,只要有十人以上有意了解事件,他都可以提供「外賣」,傳揚六四真相。
由小時候滿心歡喜以為罷課可以不上學、被迫陪哥哥姐姐「絕零食」、偷偷摸摸參與燭光集會,到大學時代主動辦座談會、選擇以 8964為手機號碼、身穿天安門母親運動戰衣穿梭校園、在 facebook上發起「我和我的 8964」 note,鄺凱茵由無知惶恐的驚青怪,到挺身承擔成為社運骨幹,讓自己的生命與一個又一個 8964相遇。
北京學生絕食
小妹妹「絕零食」
八九民運發生,對小女孩最大的打擊莫過於「絕零食」。當年是小學生的鄺凱茵,以為罷課不用上學,結果還是要回校聽老師談民運,腦囟未生埋的細路,只覺沉悶。 5月中北京學生宣佈絕食,鄺小妹妹覺得是噩耗,「記得人人都好唔開心,校長話哥哥姐姐去絕食,但我哋太細個唔可以絕食,所以就絕零食,絕咗成個禮拜。」
中學時代,她遇上啟蒙老師林美儀,從此周旋在驚青與勇敢之間,「嗰時學校中史科老師講(八九民運),我因為好鍾意個老師,所以聽吓佢講,佢一邊講一邊喊。」有次她途經支聯會在銅鑼灣的聖誕卡簽名攤位,心想支持又不敢,結果儍婆一樣圍着銅鑼灣區轉了一圈,思前想後終於決定「豁出去」揮筆簽名,簽完還落荒而逃。
中六夏季,她決定秘密參與人生首次六四燭光集會,事前跟家人說補習,黑衣塞在袋中,到維園才敢穿上,「家諗番都覺得自己好戇居,嗰時我驚回歸之後冇得去,好大 urge,冇試過參加咁多人一齊嘅活動,氣氛好好,大家明明唔識,好似有 connection咁,有同一樣嘅信念,令我有好大感受,之後我年年都有去,見到大家風雨不改,同樣堅持,好感動。」
六四 10周年,在嶺大念繙譯三年班的她,見學生會沒有紀念活動,糾結「豬朋狗友」在老師幫助下辦座談會,最終只是小貓三、四隻參與,但當年動員同學、向支聯會借展板、用打印機做海報至彩色墨「油盡燈枯」,她正式「出櫃」,承認與六四「情根深種」。
8964來電
遇同道「好開心」
之後她有了手提,有了 8964這串號碼,遇上越來越多同道中人。正在港大兼讀社工學士學位課程的她一次收到同學電話,才發現是「同類」,「覺得好開心,雖然大家平時唔講,但其實好多普通人都用緊不同方式去關心同支持六四。」
對港大學生會早前的所謂平反六四公投,她幾乎吐血,「唔通阿媽係咪女人,林過雲應唔應該坐監都要投票決定咩?」她最後還是死死氣付款 250元入會,主力支持平反,順腳踢走陳一諤。
她早前代表天安門母親運動出席港大論壇,聽到新一代的言論,即場哭了出來,「覺得好唔開心,我以前嘅工作接觸好多內地人,可以理解佢哋唔知個情況,但係否定事實、由攣拗番直就唔可以,好傷心佢哋話啲人搞事應該死,佢哋係點睇人嘅價值?我哋可以喺乜基礎上去傾呢?真係覺得好難受。」
在 facebook上發起「我和我的 8964」 note,正是希望以不同方法接觸內地學生,「香港有資訊自由,內地嚟嘅同學把口係咁講啫,佢哋對耳唔係聾,喺度有個機會接觸外地資訊,靜落嚟佢哋會慢慢改變,始終都有個希望。」
http://hk.apple.nextmedia.com/template/a...d=12760476
【六四 二十周年專版】當權者叫大家放下包袱,偏偏許多香港人就是萬般放得下,惟有 8964隨身。
記者:張嘉雯
要一網打盡搞事死硬派,監聽有 8964這組數字的電話號碼,命中率應該相當高。林國璋主持的基督教善樂堂,可能是繼民主派外,擁有最多 8964號碼的組織,教會的電話、傳真、他本人及部份教友的手機,都有這組「死硬密碼」。他曾因六四真相跟其他牧師「開拖」,覺得 20年來香港已經乖夠,是時候剔除心中顧慮,為平反而努力。
在會堂內隨手拿起一本刊物、單張,甚至年曆卡,上面都印有教會的電話、傳真, 8964這組字,特別用上鮮紅色。知情的人,一望就明白。
89年 5月底,神學畢業不久的林國璋跟學聯的朋友到北京支持學運,住在帳幕中,看着民主女神像建成,廣場上有人跳舞、唱歌,有人討論國情,氣氛像嘉年華,「好神奇,嗰時冇手提,淨係靠啲人踩單車通傳,一有集會就有幾十萬人去。」
死硬派牧師:
出於信仰要求
林國璋曾在廣播站內代表香港巿民發表三分鐘講話,「當時好多人去講,有個婆婆行咗三日三夜路,就係為咗講一番說話,有個中年女人帶住成大叠講稿去發言。」
那年他在廣場上跟學生吃飯合照,完全沒想過運動會以血腥屠殺結束。跟他合照的朋友,後來被捕,他也被迫放棄到北京進修音樂。
兩年後,他到上海的教會交流,因為六四跟當地牧師「開拖」。林說,當年同行者提起八九民運,一位身兼人大代表的老牧師打斷發言,「佢話要講畀我聽當時發生咗乜事,講咗半個鐘,我 cut番佢:『好多謝你,你講嘅嘢我哋都好清楚㗎喇,同總理講嘅一樣』。」
之後,他繼續「死硬」, 11年前成立善樂堂,固網電話、傳真及手提,都用上 8964。至於這些號碼怎樣得來,他不願透露,「其他教會唔想太張揚,可能擔心影響事工發展,有啲人會覺得呢間教會唔係教會,好政治,之不過我係一個牧師,咁樣做,係出於信仰要求。」
猶如傳福音
「我哋有責任傳揚」
「如果連 20年前嘅事我哋都講唔到,我哋點同人講耶穌?點講 2,000年前嘅事?早期門徒都係唔畀講耶穌生平,佢哋付上生命代價都要傳揚,如果唔係福音點可以傳咗 2,000年?我哋係有責任。」
翻開當年報章廣告,滿眼是「屠殺」、「血腥」、「暴力」、「暴政」,今時今日卻變了「風波」、「事件」,「一件大是大非嘅事,淡化得好緊要。當年嘅廣告寫得好清楚,但就係有啲人為咗自己嘅利益,令呢件事至今仍然未得到解決。」
在他心中,六四從未完結,「流亡嘅人仲係返唔到屋企,正常人要回家咪回家囉,你掃墓我掃墓,仲乜佢哋唔掃得?咁樣死咗個仔,搞個追思會好正常啫,咁正常都要禁止?」他指受難者家屬至今仍然承受很大壓力,「唔好講還佢哋公道,淨係想佢哋得到正常人一樣嘅對待都唔得?」
他記得,民運後有牧師接受電台訪問,推測共產黨三年內必垮台,「家 20年啦,我都由後生變咗中坑, 20年後仍然係咁,我就變老坑。大家都咁乖, 20年來都唔講,得到乜利益先?返大陸旅行?唔返大陸咪去泰國囉,我哋已經乖咗 20年㗎喇!」
陳一諤警醒
號碼紀念不足夠
對六四平反,他越來越不樂觀,「我唔信一代人過咗去,諗住人哋七、八十歲就平反到,家啲人,十幾歲已經係袁木,我哋要平反就要努力,香港相對自由,大家要剔除內心嘅恐懼同顧慮,如果我哋唔出聲,佢哋嘅白色恐怖就成功咗。」
年初,他獲邀到浸會大學分享,播放了小量六四片段,同學們一句「原來槍聲係咁㗎」,令他感到很驚嚇,「佢哋唔知《河殤》係乜,唔知方勵之係邊個,不過都唔可以怪佢哋,佢(方勵之)都匿埋咗 20年,書都冇再版,《天安門》都買唔到,《河殤》都要去博物館先搵到。」
其後出現的陳一諤,更令他驚覺只用號碼來做紀念,可能不夠,「家唔係袁木、唔係馬力、唔係曾鈺成,或者一個老奸巨猾同你講呢啲嘢,係一個後生仔同你講,你話驚唔驚?」
於是,他以民運事件為脈絡,製作了苦路 14處小冊子,簡述六四屠城經過,在會堂內與信眾同行苦路,「等啲年輕人可以了解件事嘅來龍去脈,如果唔係就好似五四運動咁,越來越模糊。」他會繼續推廣新版苦路,只要有十人以上有意了解事件,他都可以提供「外賣」,傳揚六四真相。
由小時候滿心歡喜以為罷課可以不上學、被迫陪哥哥姐姐「絕零食」、偷偷摸摸參與燭光集會,到大學時代主動辦座談會、選擇以 8964為手機號碼、身穿天安門母親運動戰衣穿梭校園、在 facebook上發起「我和我的 8964」 note,鄺凱茵由無知惶恐的驚青怪,到挺身承擔成為社運骨幹,讓自己的生命與一個又一個 8964相遇。
北京學生絕食
小妹妹「絕零食」
八九民運發生,對小女孩最大的打擊莫過於「絕零食」。當年是小學生的鄺凱茵,以為罷課不用上學,結果還是要回校聽老師談民運,腦囟未生埋的細路,只覺沉悶。 5月中北京學生宣佈絕食,鄺小妹妹覺得是噩耗,「記得人人都好唔開心,校長話哥哥姐姐去絕食,但我哋太細個唔可以絕食,所以就絕零食,絕咗成個禮拜。」
中學時代,她遇上啟蒙老師林美儀,從此周旋在驚青與勇敢之間,「嗰時學校中史科老師講(八九民運),我因為好鍾意個老師,所以聽吓佢講,佢一邊講一邊喊。」有次她途經支聯會在銅鑼灣的聖誕卡簽名攤位,心想支持又不敢,結果儍婆一樣圍着銅鑼灣區轉了一圈,思前想後終於決定「豁出去」揮筆簽名,簽完還落荒而逃。
中六夏季,她決定秘密參與人生首次六四燭光集會,事前跟家人說補習,黑衣塞在袋中,到維園才敢穿上,「家諗番都覺得自己好戇居,嗰時我驚回歸之後冇得去,好大 urge,冇試過參加咁多人一齊嘅活動,氣氛好好,大家明明唔識,好似有 connection咁,有同一樣嘅信念,令我有好大感受,之後我年年都有去,見到大家風雨不改,同樣堅持,好感動。」
六四 10周年,在嶺大念繙譯三年班的她,見學生會沒有紀念活動,糾結「豬朋狗友」在老師幫助下辦座談會,最終只是小貓三、四隻參與,但當年動員同學、向支聯會借展板、用打印機做海報至彩色墨「油盡燈枯」,她正式「出櫃」,承認與六四「情根深種」。
8964來電
遇同道「好開心」
之後她有了手提,有了 8964這串號碼,遇上越來越多同道中人。正在港大兼讀社工學士學位課程的她一次收到同學電話,才發現是「同類」,「覺得好開心,雖然大家平時唔講,但其實好多普通人都用緊不同方式去關心同支持六四。」
對港大學生會早前的所謂平反六四公投,她幾乎吐血,「唔通阿媽係咪女人,林過雲應唔應該坐監都要投票決定咩?」她最後還是死死氣付款 250元入會,主力支持平反,順腳踢走陳一諤。
她早前代表天安門母親運動出席港大論壇,聽到新一代的言論,即場哭了出來,「覺得好唔開心,我以前嘅工作接觸好多內地人,可以理解佢哋唔知個情況,但係否定事實、由攣拗番直就唔可以,好傷心佢哋話啲人搞事應該死,佢哋係點睇人嘅價值?我哋可以喺乜基礎上去傾呢?真係覺得好難受。」
在 facebook上發起「我和我的 8964」 note,正是希望以不同方法接觸內地學生,「香港有資訊自由,內地嚟嘅同學把口係咁講啫,佢哋對耳唔係聾,喺度有個機會接觸外地資訊,靜落嚟佢哋會慢慢改變,始終都有個希望。」
WongManTakS